«اتامەكەن» ق ر ۇكپ ءتورالقا ءتوراعاسى تيمۋر قۇلىبايەۆ قىزىلوردا وبلىسىنا جاساعان جۇمىس ساپارىندا وبلىس باسشىسى قىرىمبەك كوشەربايەۆتىڭ جانە وڭىردەگى بيزنەس-قوعامداستىق وكىلدەرىنىڭ قاتىسۋىمەن وتكەن وڭىرلىك كەڭەس جيىنىن وتكىزىپ، وبلىستا كاسىپكەرلىكتى قولداۋ مەن دامىتۋ ءۇشىن قابىلدانعان شارالارعا وڭ باعاسىن بەردى.

كەزدەسۋدە تيمۋر قۇلىبايەۆ بيزنەستى باستاۋ مەن دامىتۋ جونىندەگى ماسەلەنى شەشۋ ءۇشىن وبلىس ورتالىعى مەن اۋدانداردا كاسىپكەرلەر ءۇيى مەن كاسىپكەرلەرگە قىزمەت كورسەتۋ ورتالىعى اشىلعانىن اتاپ ءوتتى.

قىزىلوردادا اشىلعان كاسىپكەرلەرگە قىزمەت كورسەتۋ ورتالىعىندا ەلەكتروندى فورماتتا بوس جاتقان جەر ۋچاسكەلەرى تۋرالى، ينجەنەرلىك جەلىلەر تۋرالى اقپارات الۋعا، سونداي-اق تەحنيكالىق تالاپتاردى جاساتۋعا جانە ساۋلەت پەن جەر ماسەلەلەرى بويىنشا رۇقسات قۇجاتتارىن راسىمدەۋ ءۇشىن بارلىق جاعدايلار جاسالعان. قىزىلوردا وبلىسى اكىمدىگى كاسىپكەرلەرگە قىزمەت كورسەتۋ ورتالىعىن اشۋ ءۇشىن 50 ملن تەڭگە ءبولدى، سونىمەن قاتار جەر كاداسترى، گاز، جىلۋ، ەلەكتر قۋاتى جانە سۋمەن جابدىقتاۋ جونىندەگى مالىمەتتەر بازاسىن سيفرلىق جۇيەگە كوشىرۋگە 30 ملن تەڭگە ءبولدى.

«كاسىپكەرلەردى قولداۋدا جانە اكىمدىكتەر مەن مەملەكەتتىك ورگاندار اراسىندا ءوزارا قارىم-قاتىناس ورناتۋدا تاجىريبەلەرىڭىز وڭ جولعا قويىلعان. ءبىز كاسىپكەرلەر ءۇشىن بارلىق پروسەسس اشىقتىق ءارى قول جەتكىزە الاتىنداي بولۋىن قامتاماسىز ەتەمىز»، – دەدى تيمۋر قۇلىبايەۆ.

«اتامەكەن» باسشىسى مەملەكەتتىك ساتىپ الۋلاردا وتاندىق تاۋار وندىرۋشىلەردىڭ الەۋەتىن پايدالانۋدا وبلىستا جۇزەگە اسىرىلعان تاجىريبەنىڭ وزگە وڭىرلەرگە دە تاراتىلاتىندىعىن اتاپ ءوتتى.

ۇلتتىق كاسىپكەرلەر پالاتاسىنىڭ باستاماسىمەن 2016 جىلدىڭ ءساۋىر ايىندا وتاندىق ءونىمدى وتكىزۋ ءۇشىن جانە مەملەكەتتىك ورگاندار، مۇناي كومپانيالارى مەن كۆازيمەملەكەتتىك سەكتوردىڭ تاۋار، ەڭبەك جانە قىزمەت تۇرلەرىن ساتىپ الۋلارىندا جەرگىلىكتى قامتۋ ۇلەسىن ارتتىرۋ ماقساتىندا جۇمىس كوميسسياسى قۇرىلدى. وڭىردەگى قۇرىلىس ماتەريالدارىن شىعاراتىن جانە جەڭىل ونەركاسىپ سالاسىنداعى 50 كومپانياعا قولداۋ كورسەتىلدى.

بەلگىلەنگەن جوسپار بويىنشا، 2016 جىلى 117،3 ملرد تەڭگە بولىنگەن. پالاتا 70 ملرد تەڭگەدەن استام سوماداعى ساتىپ الۋلارعا تالداۋ جاسادى. ونىڭ شامامەن 50 ملرد تەڭگەسىنە نەمەسە 67،5% وتاندىق ءونىم قامتىلعان. سونداي-اق ءاربىر اۋداندى جەكەلەپ كورسەتكەن، 200-دەن استام وتاندىق تاۋار وندىرۋشىلەر سۋبەكتىسى ەنگىزىلگەن وتاندىق تاۋار وندىرۋشىلەر رەەسترى دايىندالدى.

بيزنەس پەن مەملەكەتتىك ورگاندار اراسىندا ءوزارا ءىس-قيمىل جوعارى دەڭگەيگە جەتتى. بۇل زااڭنامالارعا وزگەرىس ەنگىزۋ، كاسىپكەرلىك جەلىسى بويىنشا قاراجات ءبولۋ ناتيجەسىندە ىسكە اسىرىلىپ وتىر. بۇگىندە «اتامەكەن» ۇلتتىق كاسىپكەرلەر پالاتاسى بيزنەستى قولداۋ ماسەلەلەرى بويىنشا  ەل ۇكىمەتىنىڭ تولىقتاي سەرىكتەسى بولىپ قالىپتاستى»، – دەپ تۇيىندەدى تيمۋر قۇلىبايەۆ.

كەزدەسۋدى قورىتىندىلاي كەلە، «اتامەكەن» ۇكپ ءتورالقا ءتوراعاسى قىزىلوردا وبلىسىنىڭ اكىمى قىرىمبەك كوشەربايەۆقا «اتامەكەن» قۇرمەت مەدالىن تابىستادى.