بىرىككەن اراب امىرلىگىنىڭ بيلىگى اعزا اۋىستىرۋدىڭ ەرەجەسى مەن شارتتارىن الدىن الا بەكىتىپ، زاڭداستىردى دەپ حابارلايدى قامشى اقپاراتتىق اگەنتتىگى muslim.kz-كە سىلتەمە جاساي وتىرىپ. اتالمىش ەلدىڭ دەنساۋلىق ساقتاۋ جانە پروفيلاكتيكا مينيسترلىگى "ءولىمدى مويىنداۋ" دەپ اتالاتىن جارعى شىعاردى. اتالعان قۇجاتتا ءۇش نەگىزگى جايت قاراستىرىلعان: جۇرەكتىڭ توقتاۋىنان كەلەتىن ءولىم؛ ميدىڭ قىزمەتى تولىق توقتاۋىنان بولاتىن ءولىم؛ ميدىڭ ولگەنى جونىندەگى پەدياترلىق راستاۋ جانە ەرەسەك ادام مەن بالانىڭ ميى ولگەنىن ناقتى انىقتايتىن ولشەمدەر، سونداي-اق، ءولىم فاكتىسىن مويىنداۋ الدىنداعى ءتيىستى تەكسەرۋ راسىمدەرى بەلگىلەنگەن. ايتا كەتۋ كەرەك، بۇل جارعى زاڭسىز جولمەن اعزا اۋىستىرۋ جايتتارى بولىپ تۇراتىن وسى ەلدەگى ورگاندى ترانسپلانتاسيالاۋ جونىندەگى ۇلتتىق باعدارلامانى تولىقتىراتىن قۇجات. اتالمىش زاڭ قابىلدانعاننان كەيىن اعزا اۋىستىرۋعا مامانداندىرىلعان حالىقارالىق مەديسينالىق ورتالىقتار اشىلاتىن بولادى. سونىمەن قاتار، ولگەن سوڭ ءوزىنىڭ اعزالارىن سىرقاتتاردىڭ يگىلىگى ءۇشىن قالدىرىپ كەتەتىندەردى ەسەپكە الاتىن مالىمەتتەر بازاسى مەن اعزا بانكتەرى اشىلاتىن بولادى.

شولۋشى: اسەل وتەشوۆا