رەسەيلىك تۇرعىنداردىڭ كوپشىلىگى ناقتىراق ايتقاندا 80% قازىرگى رەسەي فەدەراسياسىنىڭ پرەزيدەنتى ۆلاديمير ءپۋتيننىڭ 2012 جىلعى پرەزيدەنتتىك سايلاۋدا ءوز كانديداتۋراسىن قايتا ۇسىنادى دەگەن ويدا دەپ حابارلايدى قامشى اقپاراتتىق اگەنتتىگى ريا نوۆوستي-عا سىلتەمە جاساپ. قوعامدىق پىكىر قورى (قپق)  جاريالاعان ساۋالنامادا قاتىسۋشىلاردىڭ 80% ءپۋتيننىڭ پرەزيدەنتتىككە ۇسىنىلاتىندىعىنا كۇمان كەلتىرمەيتىندىكتەرىن جەتكىزدى.  سۇرالعانداردىڭ 9% عانا ونىڭ پرەزيدەنتتىككە ۇسىنىلمايتىندىعىن ايتسا، 12% جاۋاپ بەرۋگە قينالاتىندىقتارىن جەتكىزگەن.

سۇرالعانداردىڭ جارتىسىنا جۋىعى  (46%) پۋتين سايلانبايتىن بولسا ونى تەرىس قابىلداتىن ەدىك دەيدى، 35% مۇنداي مالىمدەمەنى ەشقانداي ەموسياسىز قابىلدايتىنىن، 14% وڭ قابىلدايتىندىقتارىن جەتكىزگەن.

رەسەي فەدەراسياسىندا پرەزيدەنتتىك سايلاۋ 2018 جىلى وتىلەدى دەپ كۇتىلۋدە. پرەزيدەنتتىك سايلاۋعا كەلەسى جىلى ۆلاديمير جيرينوۆسكيي، وپپوزيسيونەر الەكسەي ناۆالنىي، گريگوريي ياۆلينسكيي ءوز كانديداتۋرالارىن ۇسىنباق.

ال رەسەي پرەزيدەنتىنىڭ ءباسپاسوز-حاتشىسى دميتريي پەسكوۆ ءپۋتيننىڭ ءوز كانديداتۋراسىن ۇسىنۋى تۋرالى ماسلە ءالى تالقىلانعان جوق دەيدى.  

شولۋشى: نازەركە مۇسا