قازاقستان مۇسىلماندارى ءدىني باسقارماسىنىڭ ۇيىمداستىرۋىمەن قاسيەتتى رامازان ايىنىڭ قۇرمەتىنە وراي «ونەر قىراندارى» تەاترىنىڭ «بەرەكەلى مەرەكە-3» اتتى رۋحاني-پاتريوتتىق كەشى وتەدى دەپ حابارلايدى قامشى اقپاراتتىق اگەنتتىگى muslim.kz-كە سىلتەمە جاساي وتىرىپ.

رۋحاني كەشتىڭ ماقساتى - قاسيەتتى رامازان ايى قارساڭىندا مۇسىلمانداردى بەس پارىزداردىڭ ءبىرى ورازا قۇلشىلىعىن وتەۋگە قۇلشىندىرىپ، حالىققا ناسيحات جاساۋ. بۇل جاڭا باعدارلامادا «ونەر قىراندارى» تەاترىنىڭ ورىنداۋىندا پايعامبارىمىز مۇحاممەدتىڭ (وعان اللانىڭ سالاۋاتى مەن سالەمى بولسىن) ومىرىنەن ۇزىندىلەر، قوعام رۋحانياتى مەن سالاۋاتتى ومىرىنە كەرى اسەرىن تيگىزەتىن الەۋمەتتىك ماسەلەلەر تاقىرىپ ەتىپ العان تاعىلىمدى تەاترلاندىرىلعان قويىلىمدار ورىن الادى. سونداي-اق، رۋحاني كەشتە ءدىني اندەر مەن جىرلار ورىندالادى. كەشكە بەلگىلى ونەر جۇلدىزدارى قاتىسادى.

وسى جاڭا باعدارلامامەن ق ر باسقادا قالالارىنا گاسترولدىك ساپارىمەن شىعادى. ەل الدىندا جۇرگەن ابىرويلى ازاماتتار جاراتقانىن تانىسا - ەڭ ۇلكەن ونەگە وسى. ءازىلدىڭ استارىمەن ءومىردىڭ اقيقاتىن جەتكىزە بىلگەن ونەرلى جىگىتتەرگە قولداۋ بىلدىرەيىك. كونسەرتكە كەلىڭىزدەر!

ايتا كەتەيىك، اتالعان جوبا 2015 جىلى اعاش رەت الماتى قالاسى، ستۋدەنتتەر سارايىندا جانە 2016 جىلى الماتى قالاسى، رەسپۋبليكا سارايىندا كورەرمەن نازارىنا ۇسىنىلىپ، ولاردىڭ ىستىق ىقىلاسىنا بولەنىپ قانا قويماي، «31» تەلەارناسىنىڭ كورەرمەندەرى تاراپىنان ەڭ كوپ تاماشالانعان باعدارلامالاردىڭ قاتارىنا ەنگەن بولاتىن.

رۋحاني كەشتىڭ وتەتىن جەرى: استانا قالاسى، "قازاقستان" ورتالىق كونسەرت زالى، 19 مامىر كۇنى ساعات 19:00-دە باستالادى.

بيلەتتەر استانا قالالىق مەشىتتەرىندە ساتىلادى.

انىقتاما تەلەفونى: +7 771 466 62 78