وزبەكستان پرەزيدەنتى شاۆكات ميرزيايەۆ پەن تاجىكستان پرەزيدەنتى ەمومالي راحمون 21 مامىردا ەر-ريادتا وتەتىن مۇسىلمان ەلدەرى جانە اقش سامميتىنە قاتىسادى. بۇل جايىندا وزبەكستان ءسىم باسپا ءسوز قىزمەتى حابارلايدى.
ءباسپاسوزدىڭ دەرەگىنشە، مەملەكەت باسشىلارى ەر-ريادقا ساۋد ارابياسىنىڭ كورولى سالمان بين ابدۋلازيز ءال-ساۋدتىڭ شاقىرتۋىمەن بارادى. ميرزيايەۆ مۇندا ەكى جاقتى كەزدەسۋلەر وتكىزبەك.
تاجىكستان پرەزيدەنتى اپپاراتىنداعى دەرەككوزدىڭ حابارلاۋىنشا، ەمومالي راحمون سامميتتە بايانداما جاساۋى مۇمكىن.
سامميتكە پاكىستان پرەمەر-مينيسترى ناۆاز شاريف، اۋعانستان پرەزيدەنتى اشراف گاني شاقىرتىلعان. كەزدەسۋگە اقش پرەزيدەنتى دونالد ترامپ قاتىسادى، ول - وسى سامميت قۇرىلتايشىلارىنىڭ ءبىرى.
شولۋشى: گۇلىم جاقان
