ۇكىمەت اۋىل شارۋاشىلىعىن دامىتامىز دەپ «اۋىل شارۋاشىلىعى كووپەراتيۆتەرى تۋرالى» زاڭ قابىلداپ، كووپەراتيۆ قۇرعاندارعا سۋبسيديا بەرىلەدى دەپ ەلدى دۇرلىكتىرىپ قويعان ەدى.

بيلىكتىڭ تاعى ءبىر تالابى سۋبسيديا الۋ ءۇشىن كووپەراتيۆ مۇشەلەرىنىڭ سانى 20 دان، سيىر سانى دا 50 دەن كەم بولماۋى كەرەك ەكەن.

ءبىراق،  قازاقستان رەسپۋبليكاسى پرەمەر-مينيسترىنىڭ ورىنباسارى – قازاقستان رەسپۋبليكاسى اۋىل شارۋاشىلىعى ءمينيسترى اسقار مىرزاحمەتوۆ 2017 جىلعى 27 قاڭتارداعى № 30 بۇيرىعىن شىعارىپ، «اسىل تۇقىمدى مال شارۋاشىلىعىن دامىتۋدى، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋدى سۋبسيديالاۋ قاعيدالارىن» بەكىتەدى. 

اتالعان قاعيدانىڭ 6- بابىنىڭ 3-تارماعىندا «3) ءوتىنىمدى بەرگەن ساتتە ءبىر شارتتى انالىق باسقا كەمىندە ءۇش گەكتار ءنورماتيۆى بويىنشا ەلدى مەكەن جەرىنىڭ شەگىنەن تىس جايىلىمدارمەن قامتاماسىز ەتىلمەگەن جاعدايدا، اۋىل شارۋاشىلىعى كووپەراتيۆىنىڭ سەلەكسيالىق جانە اسىل تۇقىمدىق جۇمىسقا تارتىلعان ءىرى قارا مالىنىڭ (قويدىڭ) بارلىق انالىق باسى سۋبسيديالاۋعا جاتپايدى» (6. سۋبسيديروۆانيۋ نە پودلەجات:  3) ۆسە ماتوچنوە پوگولوۆە كرۋپنوگو روگاتوگو سكوتا (وۆەس) سەلسكوحوزيايستۆەننوگو كووپەراتيۆا، ۆوۆلەچەننوە ۆ سەلەكسيوننۋيۋ ي پلەمەننۋيۋ رابوتۋ پري نەوبەسپەچەننوستي پاستبيششامي زا پرەدەلامي زەمەل ناسەلەننوگو پۋنكتا پو نورماتيۆۋ نە مەنەە ترەح گەكتار نا ودنۋ ۋسلوۆنۋيۋ ماتوچنۋيۋ گولوۆۋ نا مومەنت پوداچي زاياۆكي.)،- دەپ تۇر.

دەمەك، ءبىر كووپەراتيۆ 50 سيىرعا سۋبسيديا الۋى كەرەك بولسا وعان تيەسەلى جەر كولەمى 150 گەكتاردان كەم بولماۋى كەرەك.

ال، 500 سيىرىڭ بولسا، سۋبسيديا الۋ ءۇشىن 1500 گەكتار جەرىڭ بولماسا سۋبسيديانى تۇسىڭدە عانا كورەسىڭ.

وسىلايشا، اسقار مىرزاحمەتوۆ ءتۇرلى جولمەن مىڭداعان گەكتار جەر الىپ العان لاتيفۋنديستەردىڭ سويىلىن سوعىپ وتىر.

ال قاراپايىم حالىق سول سورلاعان قالپىندا قالا بەرەدى.

جالپى، وسىنداي قۇيتىرقى زاڭدار مەن بۇيرىقتاردىڭ سالدارىنان بولاشاقتا شاعىن شارۋاشىلىقتار مەن جەكە ازاماتتاردىڭ پايلىق ۇلەسى كووپەراتيۆتەرگە شوعىرلاندىرىلىپ، ارتىنان اكىمدەردىڭ الىپ قويۋىنا جاقسى جول اشۋى مۇمكىن.

وسىلايشا اسقار مىرزاحمەتوۆتىڭ «جاقسىلىعىنىڭ» ارتىندا «كومۋلى بومبا» جاتۋى عاجاپ ەمەس. 

«الاش جولى» جالپىحالىقتىق قوزعالىسى