الماتى قالاسىنا بالالار ۇيلەرى مەن مەكتەپ-ينتەرناتتارىنىڭ تاربيەلەنۋشىلەرى، جاس سپورتشىلار باسكەتبول بويىنشا قازاقستان رەسپۋبليكاسىنىڭ "ءۇمىت كۋبوگى" چەمپيوناتىنا قاتىسۋعا كەلدى. چەمپيونات 9 كۇنگە سوزىلادى. بيىل جوباعا قازاقستاننىڭ 16 قالاسىنان – اتىراۋ، قاراعاندى، قوستاناي، كوكشەتاۋ، استانا، وسكەمەن، تاراز، جەزقازعان، ەكىباستۇز، سەمەي، پاۆلودار، شىمكەنت، العا، الماتى، سايرام، ساندىقتاۋ قالالارىنان 17 كوماندا ۇسىنىس ءبىلدىرىپ، جالپى سايىسقا قاتىسۋشىلار سانى 168 بالانى قۇرادى. چەمپيوناتتا جەڭىسكە جەتكەن كوماندا باسكەتبول بويىنشا سپورت شەبەرلىگىنە ۇمىتكەر مارتەبەسىن الادى، ونىمەن قوسا بارلىق قاتىسۋشىلار باعالى سىيلىقتار مەن ماقتاۋ قاعازىمەن ماراپاتتالادى. اتاۋلى سايىس قازاق تۋريزم جانە سپورت اكادەمياسىندا وتكىزىلەدى. جاس وسپىرىمدەر تەك سايىسىپ قانا قويماي بوس ۋاقىتىندا الماتى قالاسىن ساياحاتتاپ، قوسىمشا “جاستارعا جول” قوعامدىق قورىنىڭ نەگىزىن قالاۋشى رافاەل گاسانوۆ جانە پسيحولوگ جاننا نۋرسەيتوۆانىڭ ىنتالاندىرۋ ماقساتىنداعى ءدارىسىن تىڭداپ، «مافيا» جانە «قولتىراۋىن» ءتارىزدى بىلىكتىلىكتى ارتتىراتىن ويىنداردى وينايتىن بولادى. ايتا كەتەيىك، ءىس-شارانى ۇيىمداستىرۋشى جانە باس دەمەۋشىسى «حالىق» قايىرىمدىلىق قورى.

«حالىقتىق ليگا» شەڭبەرىندە سوڭعى 12 جىلدىق كولەمىندە بالالار ءۇيى مەن مەكتەپ-ينتەرناتتارى تاربيەلەنۋشىلەرى باسكەتبولمەن شۇعىلدانىپ كەلەدى. دوداعا قاتىسۋشىلار تولىقتاي ءتيىستى قۇرال-جابدىقتارمەن جابدىقتالىپ جانە سايىس الدىندا باسكەتبول بويىنشا ەڭ ۇزدىك وڭىرلىك باپكەرلەرمەن جاتتىعادى. ق ر ءبىلىم جانە عىلىم مينيسترلىگى جانە ق ر ۇلتتىق باسكەتبول فەدەراسياسىنىڭ قامقورلىعىمەن وتەتىن "ءۇمىت كۋبوگى" چەمپيوناتىنا سپورتشىلار جىلىنا ءبىر مارتە جينالادى. كوماندا ويىنشىلارى جىل سايىن باسكەتبول بويىنشا سپورت شەبەرلىگىنىڭ ۇمىتكەرى مارتەبەسىن يەلەنىپ جانە ءوزىنىڭ سپورتىق مانسابىن ۇشتاۋعا مۇمكىندىك الادى.

سالاۋاتتى ءومىر سالتىن ۇستانۋ، قازاقستان بويىنشا بالالار ءۇيى مەن مەكتەپ-ينتەرناتتارى تاربيەلەنۋشىلەرى اراسىندا باسكەتبول سپورت ءتۇرىن دامىتۋ «حالىقتىق ليگا» الەۋمەتتىك جوباسى 2005 جىلدان باستاۋ العان. اتاۋلى جوبا سپورتقا دەگەن سۇيىسپەنشىلىكتى ارتتىرا وتىرىپ، بالالاردىڭ بوس ۋاقىتىن دۇرىس پايدالانۋعا باۋلىپ، قازاقستان بويىنشا 17 بالالار ءۇيى مەن مەكتەپ-ينتەرناتتارىن بىرىكتىرە كەلە جىل سايىن 500 تاربيەلەنۋشىلەردى سپورتپەن شۇعىلدانۋعا يتەرمەلەيدى. «حالىقتىق ليگا» باستاۋ العالى جىلدار ىشىندە جوباعا بالالار ۇيىنەن 3 مىڭ تاربيلەنۋشى قاتىسىپ، جالپى قازاقستان حالىق بانكى تاراپىنان قارجىلاندىرىلعان سوما 330 ملن تەڭگەگە جەتتى.