قىلمىس اتاۋلى قاي زاماندا بولسىن ورىن العان. وعان توقتاۋ جوق. كەيبىر دارىندى ادامدار بولماسا قاندىقول قىلمىسكەرلەردى ۇستاۋ  دا قيىنعا سوعار ەدى، ءتىپتى مۇمكىن بولماس تا ما ەدى.  مىنە، سونداي قيلى، شىرماۋلى قىلمىستاردى اشىپ تالاي قىلمىسكەرلەردىڭ جاۋاپقا تارتىلۋىنا سەبەپكەر بولعان دەتەكيۆتەر تۋرالى تانىمدىق ماقالانى قامشى اقپاراتتىق اگەنتتىگى وقىرمان نازارىنا ۇسىنادى.

تانىمال، اتاعى جەر جاراتىن دەتەكتيۆتەر تۋرالى بەستسەللەرلەر جازىلادى، ميلليونداعان ادامداردىڭ كوڭىلىنەن شىعىپ تا جاتاتىنى بەلگىلى. شەرلوك حولمس، ەركيۋليا پۋارو، مارپل حانىم ەسىمدەرى دەتەكتيۆشىلدەر قاۋىمى اراسىندا تانىمال بولعانىمەن، بۇلاردىڭ ءبارى ويدان قۇراستىرىلعان كىتاپ كەيىپكەرلەرى.

دەگەنمەن دە، شىنايى ومىردە مۇنداي دەتەكتيۆتەر بولمادى دەگەن ءسوز ەمەس. تەك كوپشىلىگى ناعىز شىنايى دەتەكتيۆتەر تۋرالى بىلە بەرمەيدى.

مىنە سونداي دەتەكتيۆتەردىڭ ءبىرى ەجەن فرانسۋا ۆيدوك.

فرانسۋزدىق ناۋبايحاناشى وتباسىندا دۇنيەگە كەلگەن.  14 جاسىندا ءوزىنىڭ العاشقى قىلمىسىن جاسايدى. ءمۇعالىمىن بايقاۋسىزدا ءولتىرىپ العان سوڭ، وتانىن تاستاپ امەريكاعا كوشىپ كەتكەن. ءوزىنىڭ بۇكىل ءومىرىن قىلمىستىق توپتار اراسىندا وتكىزگەن. تۇرمەدەن سانسىز رەت قاشىپ كەتىپ وتىرعان. اقىرىندا ول ءوزىنىڭ قىزمەتىن پاريج اكىمشىلىگىنە ۇسىنادى. 1811 جىلى ارنايى بريگادا قۇرىپ وندا بۇرىڭعى قىلمىسكەرلەردى جينايدى. ەجەن ۆيدوك «قىلمىسكەردى تەك قىلمىسكەر تۇسىنەدى» دەپ ەسەپتەگەن. ۆيدوك الەمدىك دەتەكتيۆ سالاسىنىڭ اتاسى بولىپ تابىلادى. ول العاش رەت ءوزىنىڭ زەرتتەۋلەرىندە ساراپتاما تاسىلدەرىن قولدانعان. وقتىڭ ولشەمىن زەرتتەۋ دە ۆيدوكتىڭ باستاماسى بولعان.

الان پينكەرتون

 شوتلانديانىڭ گلازگو قالاسىندا تۋىلعان الان امەريكاعا ەميگراسيالانعان. سول جاقتا ءبىر قاانىڭ شەريفى اتانادى. ول جۇمىس ىستەگەن ۇيىمنىڭ باستى قاعيداسى: «ءبىز ەشقاشان ۇيىقتامايمىز»  بولعان. ول العاش رەت قىلمىسكەرلەردى كلاسسيفيكاسيالاۋدىڭ العىشارتتارىن ويلاپ تاپقان. پينكەرتون اگنەتتىگى ءالى ءوزىنىڭ جۇمىسىن شۆەسيادا جاساۋدا. پينكرتون تۋرالى كىتاپتار جازىلعان.

اركاديي كوشكو

مينسكىدە تۋىلعان كوشكو اۋقاتتى وتباسىنان شىققان. اسكەري قىزمەتتە جۇمىس ىستەسە دە، دەتەكتيۆ روماندارىن ءجيى وقىپ بالا كەزدەن سول سالانى قىزىقتاعان ول كريميناليستيكاعا كەلگەن. ول كەلبەت پەن ساۋساق ءىزى ارقىلى قىلمىسكەردى انىقتاۋدى العاش رەت ويلاپ تاۋىپ قولدانعان.

وسيپ شور

نيكوپولدا دۇنيەگە كەلگەن وسيپ ءوز بالالىق شاعىن ودەسسادا وتكىزگەن. دەتەكتيۆ بولماسا دا، بۇزاقى توپتاردى اياۋسىز جويىپ وتىرعان. قىلمىسكەرلەرمەن تىعىز قارىم-قاتىناستا بولعان ونىڭ ءومىرى اۋىر بولعان.

يۆان پۋتيلين

23 جاسىندا پوليسياعا جۇمىسقا تۇرادى. ءقاۋىپتى قىلمىسكەرلەردى ۇستاپ ءوز ءىسىنىڭ مامانى ەكەنىن دالەلدەيدى. 27  جاسىندا وردەن مەن مەدال العان. ول ءومىرىنىڭ 40 جىلىن بويى توناۋشىلار مەن قانىشەرلەر اراسىندا وتكىزگەن. 

اۆتور: نازەركە مۇسا