الماتىداعى ورتالىق مەشىتتە قايىرىمدىلىق تولەمدەرىن قابىلدايتىن تەرمينالدار ورناتىلدى، دەپ حابارلايدى قامشى اقپاراتتىق اگەنتتىگى قالانىڭ رەسمي سايتىنا سىلتەمە جاساپ.
الماتىداعى ورتالىق مەشىتكە كەلۋشىلەر وزدەرىنىڭ قايىرىمدىلىق تولەمدەرىن (ءپىتىر، ساداقا جانە ت.ب) ەلەكتروندى تەرمينال ارقىلى بەرە الادى، بۇل جاڭالىقتىڭ باستى ماقساتى — تۇسەتىن قارجىلاردىڭ اشىقتىعىن قامتاماسىز ەتۋ.
«بۇگىنگى كۇنى بەس ينستيتۋسيونالدى رەفورمانى جۇزەگە اسىرۋ بارىسىندا مەملەكەتتىك ورگاندار قوعام الدىندا بارىنشا اشىق بولۋدا جانە ەسەپ بەرۋدە. الماتىدا اۋرۋحانالار، مەكتەپتەر، بالالار باقشالارى، پيك-تەر وزدەرىنىڭ قارجىلىق ەسەپتەرىن جاريالاپ، قالالىقتار سەنىمىنە يە بولۋدا، مىنە، ەندى الماتى مەشىتى دە العاشقىلاردىڭ ءبىرى بولىپ وسى جولمەن جۇرە باستادى»، — دەپ اتاپ ءوتتى مەگاپوليس اكىمى باۋىرجان بايبەك.
ورتالىق مەشىتتىڭ باس يمامى نۇربەك ەسماعانبەتوۆا بۇل تەحنولوگيانىڭ پيلوتتى رەجيمدە قولدانىلاتىنىن ايتتى. بۇرىننان قالىپتاسقان ءادىس تە قولجەتىمدى، مەشىتكە كەلگەن كەز- كەلگەن جان قايىرىمدىلىق تولەمدەرىن اشىق ۋرنالارعا سالا الادى. اي سايىنعى جينالعان قارجىنىڭ جالپى سوماسى مەشىتتىڭ سايتىندا جاريايلانادى.
