يرانداعى پرەزيدەنتتىك سايلاۋ ءوتتى دەپ حابارلايدى قامشى اقپاراتتىق اگەنتتىگى.

جۇما كۇنگى يرانداعى پرەزيدەنتتىك سايلاۋدىڭ ون ەكىنشى كەزەڭىندە باسەكەگە تۇسەتىن ۇمىتكەرلەردىڭ قاتارىن  قازىرگى پرەزيدەنت حاسان روۋحاني، اياتوللا يبراحيم رايسي، بۇرىنعى ۆيسە-پرەزيدەنت موستافا حاشەمي-تابا جانە كونسەرۆاتورلار وكىلى ۆ موستافا اگا-ميرساليم قۇرادى. يرانداعى پرەزيدەنتتىك سايلاۋدىڭ ون ەكىنشى كەزەڭى يران ىشكى ىستەر ءمينيسترىنىڭ بۇيرىعىمەن كەشە، جۇما كۇنى تەھران ۋاقىتى بويىنشا تاڭعى ساعات 08:00-دە باستالعان.

بىرنەشە كۇن بۇرىن، مۇحامماد باعەر قاليباف سەيىت يبراھيم رايسيدى، ال يسحاق دجاحانگيري حاسان رۋحانيدى قولداپ، پرەزديەنتتىككە ۇمىتكەر بولۋدان رەسمي تۇردە باس تارتقان بولاتىن.

56 ميلليون 410 مىڭنان استام يراندىق جۇما كۇنگى سايلاۋلارعا قاتىسۋ شارتتارىنا يە. قازىرگە دەيىنگى ناتيجەگە ساي، يرانداعى پرەزيدەنتتىك سايلاۋدا  40 ميلليون داۋىستىڭ 37 ميلليونىنىڭ قورىتىندىسى  بويىنشا 21،6 ميلليون داۋىس جيناعان ەلدىڭ قازىرگى پرەزيدەنتى حاسان روۋحاني الدا كەلەدى. اياتوللا يبراحيم رايسي 14 ميلليون داۋىسپەن - ەكىنشى ورىندا.