ەلدە سالافيزمگە رەسمي تۇردە تىيىم سالۋ كەرەك. بۇل تۋرالى اقتوبە وبلىسىنىڭ اكىمى بەردىبەك ساپاربايەۆ ايتتى، دەپ جازادى قامشى اقپاراتتىق اگەنتتىگى.
19 مامىردا اقتوبەدە ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتى ەكسترەميزم مەن تەرروريزمنىڭ الدىن الۋ جانە وسى سالاداعى زاڭنامانى جەتىلدىرۋ تۋرالى جيىن ءوتتى.
وبلىس اكىمى وڭىردەگى "تەرىس ءدىني اعىمدى ۇستانۋشىلاردىڭ" 30 پايىزى ايەلدەر دەپ وتىر. سوندىقتان ايماققا تەولوگ ايەلدەر كەرەك ەكەنىن ايتتى.
ال ىشكى ىستەر ءمينيسترىنىڭ ورىنباسارى مارات دەمەۋوۆتىڭ ايتۋىنشا، وزگە ەلدە سوعىسىپ جۇرگەن 240 ادامعا ينتەرپول ارقىلى ىزدەۋ جاريالانعان. ونىڭ كەيبىرى شەتەلدە ۇستالىپتى.
باس پروكۋروردىڭ ورىنباسارى مارات احمەتجانوۆ ەكسترەميزم مەن تەرروريزمنىڭ الدىن الۋعا قىرۋار قارجى بولىنگەنىمەن، ونىڭ جەمقورلاردىڭ قالتاسىنا ءتۇسىپ جاتقانىن مالىمدەدى. مۇنداي فاكتىلەر باتىس قازاقستان، جامبىل، اقمولا وبلىستارىندا انىقتالعان.
