«جىگىتتەر» كۆارتەتىنىڭ مۇشەسى، ءانشى باعلان ءابدىرايىموۆ اقشا جىمقىردى دەپ ۇستالعان قازاقتىڭ بەلدى ءارتىسى تۇڭعىشباي جامانقۇلوۆتى جاقتاپ، ءوزىنىڭ ينستاگرام پاراقشاسىنا مىناداي جازبا قالدىردى:

«يا، اللا! اقتى - اق، قارانى - قارا دەپ اجىراتىپ بەرشى! ادامدار نەگە پەندە ەكەنىن ۇمىتىپ، ءتۇزۋ بولا قالادى؟ كىم قاتەلەسپەي جاتىر؟ كىم جەمەي جاتىر؟ ءومىر بويى ونەرگە شىن قىزمەت ەتىپ، جەتپىسكە تاياعاندا 69 ملن تاعدىرىن تالقان ەتپەكشى مە؟ جازعىشتارىم - اي، جازىڭدار ەندى... بىرەۋدىڭ كۋپالنيگى مەن تابىسىن ساناپ، ءبىرىنىڭ بايىن، ءبىرىنىڭ قاتىنىن ساناپ، بەلدەن تومەن وسەك جازىپ. شىنىن جازىڭدار! ەل اعاسى جايلى جازىڭدار، اقيقات ىزدەڭدەر، سەنساسيا جاساڭدار! اشىعىن xالىق ءبىلسىن! راسىن دا كىنالى بولسا، 69 ملن دوللار ەمەس قوي، تەڭگە. ونەردى باعالايتىن قالتالى ازاماتتار بولسا، كوبىرەك شىعارسىن، قالعانى شاماسىنا قاراسىن. راسىن دا قارىز بولسا السىن. تەرىس بولسا قيامەتتە ەسەپ قىلارسىزدار. ەلدىگىڭ قايدا، بىرلىگىڭ قايدا؟ اعانىڭ شاكىرتتەرى قايداسىزدار؟ ەس بىلەر جاۋاپتى بىرەۋىڭىز قولعا الىڭىز. ەسەپ شوت اشىڭىز! قاراپ قالماڭىزدار! "اق ءجۇنىس" جۋرنالىن نەمەسە ينتەرنەنتتەن تاۋىپ وقىڭىزدار. تاقىرىپ تۇسىنىكتى بولۋ ءۇشىن. ەلباسىمەن ءادىل سوتقا عانا ءۇمىتتى، اعا! سوت ادىلەتسىز بولسا شە؟ اقتالۋىنا ات سالىسىپ، 70 - جىلدىق تويىن اتاپ وتەيىك! اللا سول كۇندى ءناسىپ ەتسىن!»، دەي كەلە تۇڭعىشباي جامانقۇلوۆتىڭ ايتقان سوزىمەن قورىتىندىلايدى:

"مۇحتار شاحانوۆتىڭ ءبىر ولەڭى بار:
«جاتا بەرمەس شىندىق-يت بوساعادا،
تۋرا قارا، كوزىڭدى تاسالاما!..» دەيدى.
مەن حالقىمنىڭ الدىندا شىندىق ءۇشىن كوزىمدى تاسالاماي، تۋرا قارايتىن جاعدايدامىن، اللاعا شۇكىر! مەنى وسىنداي ەتىپ جاراتقانىنا شۇكىرشىلىك ەتەمىن. مەنى وسىنداي ەتىپ تاپقان اناما دا شۇكىرشىلىك ەتەمىن. حالقىمنىڭ بەتىنە تۋرا قاراي الامىن. كوزىمدى تاسالامايمىن، كىرپىگىمدى دە تۇسىرمەيمىن! مەن اقپىن حالقىمنىڭ الدىندا. ونەرىمنىڭ الدىندا اقپىن. ۇلتىمنىڭ الدىندا اقپىن. زامانىم مەن كەزەڭىمنىڭ الدىندا دا اقپىن! زاڭنىڭ الدىندا دا اقپىن!".

شولۋشى: گۇلىم جاقان

فوتو: reactor.inform.kz