Bank RBK مەن Qazaq Banki بىرىگەتىنى جايلى كەلىسىمگە كەلدى، دەپ حابارلايدى قامشى اقپاراتتىق اگەنتتىگى  "Bank RBK" اق  باسپا ءسوز قىزمەتىنىڭ مالىمەتىنە سۇيەنىپ.

 "Bank RBK" اق پەن "Qazaq Banki" اق اكسيونەرلەرى ەكى قارجى ينستيتۋتىنىڭ بىرىگۋىنە قاتىستى كەلىسسوزدەر جۇرگىزىپ جاتىر. جاقىن ارادا ەكى بانك اراسىندا مەموراندۋمعا قول قويىلادى. وسىلايشا ەكى بانك بىرىگەدى.

مەموراندۋمداعى نەگىزگى ەرەجەلەر ق ر ۇلتتىق بانكىمەن كەلىسىلدى"،-دەلىنگەن حابارلامادا. سونىمەن قاتار، ەكى بانكتىڭ بىرىگۋىنەن پايدا بولعان قارجى ينستيتۋتىنىڭ Bank RBK برەندىمەن جۇمىس ىستەيتىنى ايتىلادى.

ايتسا كەتسەك، «Bank RBK» اق – تەڭگەرىمدى دامۋ كورسەتكىشتەرىنە يە ق ر ەڭ ءىرى بانكتەردىڭ توپ وندىعىنا كىرەتىن قازاقستاندىق امبەباپ بانك ينستيتۋتى. بانك تەڭگەرىمدى دامۋ كورسەتكىشتەرىنە جانە وتاندىق بانك نارىعىندا ەڭ ساپالى نەسيە پورتفەلدەرىنە يە: 01.01.2016ج. جاعداي بويىنشا Bank RBK-تەگى مەرزىمى 90  (NPL 90+) كۇننەن اسا مەرزىمگە كەشىكتىرىلگەن نەسيەنىڭ شەكتى كورسەتكىشى بار بولعانى 2،8%، بۇل ورتا نارىقتىق كورسەتكىشتەن (7،95%) ءۇش ەسە ۇزدىك ناتيجە. بانك ادامي كاپيتالدى، ينفراقۇرىلىمدى، اقپاراتتىق تەحنولوگيالارى مەن مەنشىكتى برەندىن دامىتۋعا قوماقتى ينۆەستيسيالاردى جۇزەگە اسىرۋدا.

اق "Bank RBK" 

فاريد ليۋحۋدزايەۆ - 11%

باحاريدين ابلازيموۆ - 9،9%

ەرجان دوستىبايەۆ - 9،9%

دينمۋحامەت يدريسوۆ - 9،9%

ازات ەرمەمبەتوۆ - 9،9%

كايرات شاريپبايەۆ - 9،0%

بولات نازاربايەۆ - 9،0% تيەسىلى. 

«Qazaq Banki» اكسيونەرلىك قوعامى زاڭدى جانە جەكە تۇلعالارعا بانكتىك قىزمەت كورسەتۋگە ماماندانعان كوممەرسيالىق بانك بولىپ تابىلادى. بانك امبەباپ بانككە ءتان ءتۇرلى قىزمەتتەر ۇسىنادى.

بانكتىڭ فيليالدار جەلىسى 8 فيليالدار مەن 19 بولىمشەلەردەن تۇرادى، ولار استانا، الماتى، قاراعاندى، اقتوبە، تاراز،  شىمكەنت، قاسكەلەڭ، اتىراۋ  قالالارىندا ورنالاسقان.

بانكتىڭ اكسيونەرلەر قۇرامىنا قازاقستان رەسپۋبليكاسىنىڭ رەزيدەنتتەرى - جەكە جانە زاڭدى تۇلعالارى كىرەدى.

بانك قازاقستان قور بيرجاسىنىڭ (KASE)، «قازاقستاننىڭ جەكە تۇلعالاردىڭ سالىمدارىن كەپىلدەندىرۋ (ساقتاندىرۋ) قورى» (KDIF)، قازاقستان قارجىگەرلەر قاۋىمداستىعىنىڭ (AFK) مۇشەسى، ««دامۋ» كاسىپكەرلىكتى دامىتۋ قورى» اق «بيزنەستىڭ جول كارتاسى-2020» باعدارلاماسىن جۇزەگە اسىرۋ كولەمىندە جانە "دامۋ وڭىرلەر III" شاعىن جانە ورتا كاسىپكەرلىك سۋبەكتىلەرىنىڭ وڭىرلىك باسىم جوبالارىن قارجىلاندىرۋ باعدارلاماسى، قازاقستاندىق بانكارالىق ەسەپايىرىسۋ ورتالىعى» رمك(KISC)، «ءبىرىنشى كرەديتتىك بيۋرو» ج ش س (1CB)، دۇنيەجۇزىلىك بانكارالىق قارجىلىق تەلەكوممۋنيكاسيا قاۋىمداستىعىنىڭ (SWIFT) سەرىكتەسىگى بولىپ تابىلادى.

شولۋشى : ايگەرىم تاۋباي