جازاتايىم جاعداي اقتاۋدىڭ باسقۇدىق اۋىلىندا 19 مامىر كۇنى ورىن العان دەپ جازادى قامشى اقپاراتتىق اگەنتتىگى. مۇنايلى اۋدانى جەدەل جاردەم قىزمەتكەرلەرىنىڭ مالىمەتىنشە، 25 جاستاعى جىگىت ءوزىنىڭ ۇناتقان قىزى مەن ونىڭ ىنىسىنە وق اتقان. زارداپ شەككەندەر اۋرۋحاناعا جەتكىزىلگەن. مالىمەتتەر بويىنشا جىگىت 1992 جىلى تۋىلعان، كۇزەت اگەنتتىگىندە جۇمىس ىستەگەن.

-جاس جىگىت ءوزىنىڭ سەزىمىنە جاۋاپ بەرمەگەن قىزعا جانە ونىڭ ىنىسىنە وق اتقان. سودان سوڭ ءوز-وزىن اتىپ ولتىرگەن-دەيدى جەدەل جاردەم قىزمەتكەرلەرى.

زارداپ شەككەندەر اۋىر جاعدايدا  ساعات  22:00  شاماسىندا ماڭعىستاۋ وبلىستىق اۋرۋحاناسىنا جەتكىزىلگەن. 

1995 جىلعى جىگىت كوپتەگەن جاراقاتتارمەن، سونىڭ ىشىندە جانباس، قول، اياق سۇيەكتەرىنىڭ زاقىمدالۋىمەن، ال 1990 جىلعى قىز جانباس بۇلشىقەتتەرىنىڭ زاقىمدالۋىمەن اۋرۋحاناعا ءتۇستى. قازىرگى جاڭدايلارى اۋىر-دەيدى ورتوپەد-تراۆموتولوگ انۋار اشير.وز-وزىنە وق اتقان جىگىت اۋرۋحاناعا جەتكىزىلگەنىمەن، ەسىن جيماستان قايتىس بولعان.

شولۋشى: نازەركە مۇسا