Vanguard Nigeria مەرزىمدى باسىلىمىنىڭ حابارلاۋىنشا، نيگەريادا اسا قاتىگەزدىگىمەن تانىلعان قىلمىس ورىن العان. يدجەبۋ-ودا قالاسىندا ءجۇسىپ امزات سالەم ەسىمدى 35 جاستاعى يمام ءارى شەيح پەن ونىڭ ايەلىن جانە ءتورت بالاسىن ءولتىرىپ كەتكەن، دەپ جازادى قامشى اقپاراتتىق اگەنتتىگى islam.kz باسىلىمىنا سىلتەمە جاساپ.

يمام مەن ونىڭ ايەلىنەن باسقا 11 جاستاعى قىزى، 8 جاستاعى ەگىز ۇلدارى جانە 2 جاستاعى نارەستەنى شىمىركپەي پىشاقتاپ ءولتىرىپ كەتكەن. قازىرگى ۋاقىتتا پوليسيا قانىپەزەر قىلمىسكەردى ىزدەستىرىپ جاتىر. قىلمىسكەردىڭ ءاتى-جونى، تۇر-تۇلعاسى، تۇرعىلىقتى جەرى جانە مۇنداي قادامعا نە ءۇشىن بارعانى ازىرگە بەلگىسىز. ال ەلدىڭ سوزىنە قاراعاندا، نيگەريادا مۇسىلماندارعا حريستيان راديكالدارى جاۋلىق كوزقاراستا، ءتىپتى، حريستيان سودىرلارىنىڭ مۇسىلمانداردى جاپپاي قىرىپ جاتقانىن دا حابارلاعان ەدىك. ال مارقۇم يمامدى تانيتىنداردىڭ ايتۋىنشا، يمام سابىرلى ءارى مەيىرىمدى جان بولعان.