استانا قالاسى اكىمىنىڭ وكىمىمەن قالالىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى بولىپ قامالجان نادىروۆ تاعايىندالدى، دەپ حابارلايدى قامشى اقپاراتتىق اگەنتتىگى ەلوردانىڭ سايتىنا سىلتەمە جاساپ.
قامالجان نادىروۆ - س.د.اسفەندياروۆ اتىنداعى قازاق ۇلتتىق مەديسينالىق ۋنيۆەرسيتەتىنىڭ تۇلەگى (2000-2006)، «تۇران» ۋنيۆەرسيتەتىن «ەكونوميكا» ماماندىعى بويىنشا ءتامامداعان (2006-2009)، قوعامدىق دەنساۋلىق ساقتاۋ جوعارى مەكتەبىنىڭ ماگيستراتۋراسىندا «قوعامدىق دەنساۋلىق ساقتاۋ» ماماندىعىن وقىدى.
ەڭبەك جولى 2007 جىلى ب.ۋ.دجاربۋسىنوۆ اتىنداعى ۋرولوگيا عىلىمي ورتالىعىندا باستالىپ، كلينيكالىق ورديناتور قىزمەتىنەن باس ديرەكتوردىڭ اكىمشىلىك-ەكونوميكالىق ماسەلەر جونىندەگى ورىنباسارلىعىنا دەيىن كوتەرىلدى. 2014-2015 جىلدار ارالىعىندا ق ر دەنساۋلىق ساقتاۋ مينيسترلىگىندە ءتۇرلى قىزمەتتەردى اتقاردى. جاڭا لاۋازىمدىق قىزمەتكە دەيىن «University Medical Center» رەسپۋبليكالىق دياگنوستيكالىق ورتالىققا جەتەكشىلىك ەتتى.
