كۋۆەيت كەدەنشىلەرى ەسىرتكىنى كەپتەردىڭ كومەگىمەن شەكارادان وتكىزبەك بولعان كونتراباندىلاردىڭ جولىن كەستى دەپ حابارلايدى قامشى اقپاراتتىق اگەنتتىگى islam.kz-كە سىلتەمە جاساي وتىرىپ. بۇرىن حات تاسىپ، حابار جەتكىزۋ ءۇشىن پايدالانىلاتىن قۇستىڭ ءتۇرىن ەندى قىلمىسكەرلەر ءوز ماقساتتارىنا جاراتپاق. قىراعى ساقشىلار يراكپەن اراداعى شەكارادا قولعا تۇسىرگەن كەپتەردىڭ ارەڭ ۇشىپ بارا جاتقانىن بايقاعان. كوگەرشىن دەمالۋ ءۇشىن عيمارات شاتىرىنا قونعاندا قولعا تۇسىرگەن. ونىڭ ارقاسىنا تاڭىلعان قاپتان ءدارى تۇرىندەگى ەسىرتكىنىڭ 200 تابلەتكاسى شىققان. قازىرگى ۋاقىتتا تەرگەۋشىلەر مەن ءىز كەسۋشىلەر كەپتەر ارقىلى ەسىرتكىنى شەكارا اسىرماق بولعان قىلمىسكەرلەردى ىزدەستىرىپ جاتىر.
شولۋشى: اسەل وتەشوۆا
