پاۆلوداردا ەرتىس وزەنىنىڭ جاعاسىنان 18 عاسىردىڭ بەلگىلى اسكەري ءارى مەملەكەت قايراتكەرى سۇلتانمۇحامەد ءباحادۇر سۇلتاننىڭ رەزيدەنسياسى تابىلدى، دەپ حابارلايدى قامشى اقپاراتتىق اگەنتتىگى قازاقپارات-قا سىلتەمە جاساپ.
پاۆلودارلىق تيمۋر سماعۇلوۆ باستاعان «مارعۇلان-ورتالىعىنىڭ» ارحەولوگتارى ءۇش عاسىر بۇرىن ەرتىس ماڭى بيلەۋشىسىنىڭ ورداسى بولعان جەردى تاپتى. بۇل تۋرالى تاريحشىلاردىڭ وزدەرى حابارلادى. ولار بىرنەشە جىل بويى ارحيۆتەردەگى كوپتەگەن قۇجاتتاردى زەرتتەپ، سۇلتاننىڭ رەزيدەنسياسىن ىزدەۋگە شىققان.
سۇلتانمۇحامەد ءباحادۇر ابىلاي حاننىڭ تۋىسى بولعان. ديپلوماتيالىق باعىتتا جازىلعان جازبالار ونىڭ كورەگەن ءارى وتە سۇڭعىلا ساياساتكەر بولعانىن ايعاقتايدى. سۇلتان جوڭعار شاپقىنشىلىعى كەزىندەگى ەڭ باستى ايقاستاردىڭ بىرىنە قاتىسقان.
ونىڭ وزەن جاعالاۋىندا بىرنەشە رەزيدەنسياسى بولعان. سولاردىڭ ءبىرى پاۆلوداردىڭ ماڭىندا ورنالاسقان. ول تۇرعان ارال سۇلتاننىڭ ارالى دەپ اتالعان. ەندى «مارعۇلان-ورتالىعى» عيماراتىندا اتالعان ورىننىڭ كوشىرمەسى ورناتىلادى. ول كۇزگە دەيىن اياقتالادى دەگەن جوسپار بار.
