ەندى قازاقستاننىڭ ءار ازاماتى ءوزىنىڭ ويى مەن باستاماسى جايىندا جوسپارىن ارنايى پورتالعا جولداي الاتىن بولادى. ءدىن جانە ازاماتتىق قوعام مينيسترلىگى «اتامەكەن» جوباسىن ىسكە اسىرماقشى، دەپ جازادى قامشى اقپاراتتىق اگەنتتىگى.
جوبانىڭ باستى ماقساتى – ەلىمىزدىڭ وركەندەپ وسۋىنە ءاربىر ازاماتتىڭ ۇلەس قوسا الۋىنا مۇمكىندىك تۋدىرۋ.
«نەگىزىندە، ءبىزدىڭ سالتىمىزدا بۇل بار. ءبىزدىڭ تاريحىمىز بەن تاجىريبەمىزدە بار. الايدا، ءبىر جۇيەگە كەلمەگەن. ءبىز ءبارىن ءبىر تارتىپكە كەلتىرىپ، ادامداردىڭ جالعىز ەمەس ەكەنىن ەستەرىنە سالعىمىز كەلەدى. ەلىمىزدىڭ ءار ازاماتى بىر-بىرىنە قاشان دا قولداۋ كورسەتىپ، وزدەرىنىڭ جالعىز ەمەس ەكەنىن سەزىنۋلەرى ءتيىس. بۇل جوبا ازاماتتىق قوعام مەن مەملەكەتتىك كۇشتىڭ نىعايۋىنا سەپتىگىن تيگىزەدى»، دەدى ق ر ءدىن جانە ازاماتتىق قوعام جونىندەگى ۆيسە-مينيستر ابزال نۇكەنوۆ.
جوبانىڭ كونسەپسياسى وسى جىلدىڭ اياعىنا دەيىن بىتەدى. جوبا رۋحاني جاڭعىرۋ باعدارلماسى اياسىندا جۇزەگە اسپاق.
شولۋشى: گۇلىم جاقان
