وتاندىق جانە امەريكالىق دارىگەرلەر 70-تەن استام قازاقستاندىق بالاعا تەگىن پلاستيكالىق وپەراسيا جاسادى، دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساپ. 

 بەت-جاق تۇسىنداعى ءتۋابىتتى كەمىستىكتى، قويانەرىن، كۇيىكتەن كەيىنگى تىرتىعى بار بالالارعا جاسالعان وپەراسيا بەس كۇنگە جالعاستى. «بولاشاعىمىز بالالار» اتتى الەۋمەتتىك جوبا اياسىندا جاسالعان يگى شارانى «اسىل بالا» رەسپۋبليكالىق قاۋىمداستىعى مەن اقش-تىڭ حالىقارالىق كومەك توبى بىرلەسىپ جۇرگىزدى.

پلاستيكالىق حيرۋرگ دجەك دەموستىڭ ايتۋىنشا، ءقازىر بالالاردىڭ دەنساۋلىعى جاقسى.

 دجەك دەموس، حيرۋرگ دارىگەر: - ءبىز وسى بەس كۇننىڭ ىشىندە 70-تەن استام بالاعا باقىت سىيلادىق دەپ ايتا الامىن. پلاستيكالىق وپەراسيانى جاساۋ بارىسىندا قازاقستاندىق دارىگەرلەردىڭ كومەگى كوپ بولدى. جەرگىلىكتى حيرۋرگتەردىڭ كاسىبيلىگىن جوعارى باعالايمىن. وپەراسيا جاساعان بالالاردىڭ كەيبىرى ەرتەڭ ۇيلەرىنە شىعادى.

شولۋشى: ايگەرىم تاۋباي