تمد ۇكىمەتتەرى باسشىلارىنىڭ كەڭەسىندە يننوۆاسيالار سالاسىنداعى ىنتىماقتاستىق، كولىك قاۋىپسىزدىگىن قامتاماسىز ەتۋ، بەيبىت ماقساتتاردا اتوم ەنەرگياسىن پايدالانۋ، كونترافاكتىلىك ونىمدەردى شىعارۋ مەن تاراتۋعا قارسى ءىس-قيمىل، زياتكەرلىك مەنشىكتى قورعاۋ ماسەلەلەرى قارالادى، دەپ حابارلايدى قامشى اقپاراتتىق اگەنتتىگى پرەمەر-مينيستردىڭ رەسمي سايتىنا سىلتەمە جاساپ.
ەۋرازيالىق ۇكىمەتارالىق كەڭەس جۇمىسى اياسىندا ەۋرازيالىق ەكونوميكالىق وداقتىڭ سيفرلىق كۇن ءتارتىبىن ىسكە اسىرۋدىڭ نەگىزگى باعىتتارى، ەاەو-نىڭ ىشكى نارىعىنداعى شىعارىپ تاستاۋ مەن شەكتەۋلەردى جويۋعا بايلانىستى شارالار جوسپارى، سونىمەن قاتار اگروونەركاسىپ كەشەنى سالاسىنداعى بىرلەسكەن عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى ۇيىمداستىرۋ ءتارتىبى جانە ت. ب. ماسەلەلەر تالقىلاندى.
ق ر پرەمەر-مينيسترى قازانعا كەلگەننەن كەيىن ءبىرقاتار يننوۆاسيالىق نىسانداردى ارالادى، ولاردىڭ قاتارىندا ىت-پارك جانە يننوپوليس جوعارى تەحنولوگيالار قالاسى بار. سونداي-اق، ب. ساعىنتايەۆ قازاندىق يننوۆاتورلاردىڭ جاڭا عىلىمي ازىرلەمەلەرىمەن تانىستى.
باقىتجان ساعىنتايەۆ ىت-پاركتى ارالاۋ بارىسىندا بيزنەس-ينكۋباتور جۇمىسىمەن جانە «گلوناسس+112» مونيتورينگ ورتالىعىنىڭ جۇمىسىمەن تانىستى، سونىمەن قاتار وعان ستارتاپ جوبالاردىڭ پرەزەنتاسياسى ۇسىنىلدى. وسىدان كەيىن ق ر پرەمەر-مينيسترى ەرەكشە ەكونوميكالىق ايماقتىڭ جانە «يننوپوليس» جوعارى تەحنولوگيالار قالاسى ۋنيۆەرسيتەتىنىڭ قىزمەتىمەن تانىستى.
انىقتاما:
تاتارستان رەسپۋبليكاسىنىڭ اقپاراتتاندىرۋ جانە بايلانىس مينيسترلىگى 30 مىڭ شارشى مەتر اۋماقتا ورنالاسقان قازان قالاسىنىڭ ىت-پاركىنىڭ نەگىزىن 2009 جىلى قالاعان. مۇندا 40 ستارتاپ جوبانى ۇسىناتىن 143 رەزيدەنت بار.
«يننوپوليس» ەەا جالپى اۋدانى 311،43 گا-نى قۇرايتىن ەكى الاڭدا ورنالاسقان. ونىڭ بىرەۋىندە يننوۆاسيالىق كومپانيالاردىڭ كەڭسەلەرى مەن عىلىمي-زەرتتەۋ، تاجىريبەلىك-كونسترۋكتورلىق عيماراتتار ورنالاسقان. ەكىنشىسى رەزيدەنت كومپانيالاردىڭ وندىرىستىك قىزمەتىنە ارنالعان.
ەسكە سالا كەتەيىك، بۇعان دەيىن ق ر پرەمەر-مينيسترى جۇمىس ساپارىمەن اقش-قا بارىپ، ءىرى ىت-كومپانيالاردىڭ وكىلدەرىمەن ءبىرقاتار كەزدەسۋلەر وتكىزىپ، جەتەكشى يننوۆاسيالىق ۇيىمداردىڭ كەڭسەلەرىن ارالاعان بولاتىن.
شولۋشى: گۇلىم جاقان
