ش.ايمانوۆ اتىنداعى «قازاقفيلم» كينوستۋدياسىندا سەناريى دۋلات يسابەكوۆتىڭ «جاۋجۇرەك» پەساسى جەلىسى بويىنشا جازىلعان «بالۋان شولاق» (شارتتى اتاۋ) اتتى تولىقمەتراجدى كوركەم ءفيلمنىڭ قورعالىمى ءوتتى دەپ حابارلايدى قامشى اقپاراتتىق اگەنتتىگى «قازاقفيلم» كينوستۋدياسىنىڭ باسپا ءسوز قىزمەتىنە سىلتەمە جاساپ.

ق ر مادەنيەت جانە سپورت مينيسترلىگىنىڭ تاپسىرىسى بويىنشا تۇسىرگەلى وتىرعان بۇل فيلم بالۋان، ءانشى ءارى كومپوزيتور بالۋان شولاقتىڭ ءومىرى تۋرالى باياندايدى. قورعالىم بارىسىندا ءفيلمنىڭ رەجيسسەرى نۇرگەلدى سادىعۇلوۆ «ءقازاقفيلمنىڭ» ەكسپەرتتىك كەڭەس مۇشەلەرىنە ءتۇسىرىلىم توبىن تانىستىرىپ، تۇسىرىلىمدەر بولاتىن ايماقتاردى اتاپ شىقتى.

- بالۋان شولاق سوڭعى سەرىلەرىمىزدىڭ ءبىرى. ول – كومپوزيتور، بالۋان، ات قۇلاعىندا ويناعان سپورتشى. فيلمدە بالۋان شولاقتىڭ بويىندا بار ونەرىن، ەلىنىڭ قامى ءۇشىن ءتۇرلى ەرلىككە بارا الاتىندىعى مەن عالياعا دەگەن ماحابباتىن كورسەتكىمىز كەلەدى. ءتۇسىرىلىم توبىنداعى بارلىق دەپارتامەنتتەر تۇسىرىلىمگە تولىققاندى دايىن. – دەدى رەجيسسەر.

تۇسىرىلىمدەر اكمولا وبلىسى جانە پاۆلودار وبلىسىندا وتەدى، سونداي-اق كەي ساحنالار «ءقازاقفيلمنىڭ» پاۆيلوندارىندا تۇسىرىلەتىن بولادى. ءفيلمنىڭ قويۋشى سۋرەتشىسى ەركىن سۇلەيمەنوۆ ءفيلمنىڭ نەگىزگى ساحنالارى بولاتىن «جارمەنكە» جانە «بالۋان شولاقتىڭ اۋىلى» دەكوراسيالارىن الماتى وبلىسى جالاڭاش جانە كەگەن اۋىلدارىندا تۇرعىزىلعانى  تۋرالى ايتىپ بەردى.

بالۋان شولاقتىڭ رولىنە رەجيسسەر اكتەر ەركەبۇلان دايىروۆتى تاڭداعان. فيلمگە ەلىمىزدىڭ باسقا دا تانىمال تەاتر اكتەرلەرىمەن قاتار دەبيۋتانت-اكتەرلەر دە تۇسەتىن بولادى. ءتۇسىرىلىم جۇمىستارى 1 ماۋسىمنان الماتى وبلىسىندا باستالادى.

ايتا كەتەيىك، «بالۋان شولاق» كارتيناسى 2017 جىلدىڭ باسىنان دايىندىق كەزەڭىندە بولاتىن. اتالمىش كەزەڭدە باستى جانە قوسالقى رولدەرگە اكتەرلەردى ىرىكتەۋ، رەكۆيزيتتەر: ات ابزەلدەرىن ازىرلەۋ، كەيىپكەرلەر كيىمدەرىن تىگۋ، دەكوراسيالار سوعۋ جۇمىستارى جۇرگىزىلگەن.