سولتۇستىك قازاقستان وبلىسى وڭىرلىك كەڭەسىندە ماشينا-تراكتور پاركىن دامىتۋ تالقىلاندى دەپ حابارلايدى قامشى اقپاراتتىق اگەنتتىگى.
«اتامەكەن» ق ر ۇكپ ءتورالقا ءتوراعاسى تيمۋر قۇلىبايەۆ وڭىرلىك كەڭەستىڭ كەڭەيتىلگەن جيىنىن وتكىزدى. كەڭەس وتىرىسىنا سولتۇستىك قازاقستان وبلىسىنىڭ اكىمى قۇمار اقساقالوۆ پەن وڭىردەگى بيزنەس وكىلدەرى قاتىستى.
جيىندى اشقان تيمۋر قۇلىبايەۆ «اتامەكەن» ءۇش جىل ىشىندە مەملەكەتتىك ورگانداردىڭ بارلىعىمەن تىعىز بايلانىس ورناتا العانىن اتاپ ءوتتى. ەڭ الدىمەن مينيسترلىكتەر، قۇقىق قورعاۋ ورگاندارى جانە پارلامەنتپەن بايلانىس جۇزەگە اسىرىلدى.
«بۇگىندە كاسىپكەرلەر، اسىرەسە، شاعىن جانە ورتا بيزنەستىڭ ءوز قۇقىعىن قورعاۋعا، مەملەكەتتىك ورگانداردان قاجەتتى رۇقسات قۇجاتتارىن الۋعا مۇمكىندىگى بولۋى ءۇشىن، سونداي-اق مەملەكەتتىك قولداۋدى سەزىنۋى ءۇشىن وڭىرلىك دەڭگەيدە بايلانىس ورناتۋ مىندەتى تۇر. وسىلايشا، وڭىردەگى كاسىپكەرلىكتى دامىتۋ، جۇمىس ورىندارىن اشۋ سەكىلدى ءتيىمدى جۇمىستار اتقارىلادى»، – دەدى تيمۋر قۇلىبايەۆ.
سولتۇستىك قازاقستان وبلىسىنىڭ كاسىپكەرلەرى اۋىلدىق جەردەگى شاعىن كاسىپكەرلىك ءۇشىن قارجىلىق رەسۋرستارعا قول جەتكىزۋدىڭ قيىندىعىن ايتتى.
قازىرگى تاڭدا وبلىستا اۋىلدىق جەردەگى كاسىپكەرلىكتى قارجىلاندىرۋ ءۇشىن 19 ميكرونەسيەلىك ۇيىم مەن 13 اۋىلدىق نەسيەلىك سەرىكتەستىك جۇمىس ىستەيدى. الايدا، كاسىپكەرلەردىڭ ايتۋىنشا، بۇل نەسيەلىك ۇيىمداردا ءبىرشاما ولقىلىق بار: قىسقا مەرزىمدى نەسيەنىڭ سىياقى مولشەرلەمەسى جوعارى؛ سەرىكتەستىك قاتىسۋشىلارى مەن اۋىل شارۋاشىلىعى جوبالارىن عانا قارجىلاندىرادى.
كاسىپكەرلەر «اتامەكەن» ۇلتتىق كاسىپكەرلەر پالاتاسىنىڭ ميكرونەسيەلەۋ بويىنشا تاجىريبەسىن سولتۇستىك قازاقستانعا دا ەنگىزۋدى ۇسىندى. تيمۋر قۇلىبايەۆ بۇل باستاعا قولداۋ ءبىلدىردى.
«بىلتىر التى وبلىستا پيلوتتىق جوبانى ۇيىمداستىردىق. ناتيجەسى كوڭىل قۋانتارلىقتاي. بارلىعى دا جاقسى جۇمىس ىستەۋدە. وبلىستا وسىمدىك جانە مال شارۋاشىلىقتارى بار، قاجەتتى قۇرالداردىڭ بارلىعى دا ورىن العان. سوندىقتان بۇل تاجىريبەنى قاراستىرۋ قاجەت. اكىمدىكتەردىڭ ميكرونەسيەلىك ۇيىمداردا قور قۇرۋىنا رۇقسات بەرۋى ءۇشىن ق ر ۇكىمەتىنىڭ وتىرىسىندا بۇل ماسەلەنى تالقىلايمىز. سوندا سىزدەردە قاراجات قورى پايدا بولادى»، – دەدى ءتورالقا ءتوراعاسى.
تيمۋر قۇلىبايەۆ ناشار ۇلگى عانا ەمەس، سونداي-اق جاعىمدى ۇلگى دە كوپشىلىككە اسەر ەتەتىن اتاپ ءوتتى.
«بۇل تاڭدانارلىق اسەر. ەگەر ءبىر ادام وقىپ، كاسىبىن اشىپ، تەز ارادا جاقسى جەتىستىكتەرگە جەتىپ جاتسا، وزگەلەر دە وعان قىزىعىپ، قاشان، قالاي، قايدا ەكەنىن، ول ءۇشىن نە ىستەۋ كەرەكتىگىن بىلگىسى كەلەدى»، – دەدى تيمۋر قۇلىبايەۆ.
كاسىپكەرلەردىڭ ۇسىنىسىن سولتۇستىك قازاقستان وبلىسى اكىمى قۇمار اقساقالوۆ تا قولدادى.
«بۇگىندە ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى بويىنشا جۇمىس ىستەپ جاتىرمىز. باعدارلاما اياسىندا 1،6 ملرد تەڭگە بولىنەدى. وسى قارجىنى جۇيەلى جۇمساۋ كەرەك. ميكرونەسيەلەۋ ۇيىمدارى ارقىلى جۇمىس ىستەۋ قولايلى»، – دەدى قۇمار اقساقالوۆ.
وبلىس اكىمى ماشينا جاساۋ سالاسى دامۋ ماسەلەسىن قوزعادى.
«ماشينا جاساۋ سالاسىن دامىتۋعا كۇش سالامىز. اۋىل شارۋاشىلىعى ەل ەكونوميكاسىنىڭ درايۆەرى بولۋى كەرەك، بۇل ەلباسىنىڭ الدىمىزعا قويعان مىندەتتەرىنىڭ ءبىرى. شارۋالار وتە ساپالى تەحنيكامەن جۇمىس ىستەۋى قاجەت ەكەنى انىق. ەگىستىكتەردە امەريكالىق John Deere تراكتورلارى مەن كومبايندارى جۇمىس ىستەپ جاتقانىنا 20 جىل بولدى. بۇل تەحنيكا ۋاقىتپەن سىنالعان. بۇگىندە ءبىز ءبىر گەكتاردان 25 سەنتنەرگە دەيىن وندىرەمىز. الايدا ءونىم جيناۋ باياۋ ءجۇرىپ جاتىر، بىزگە ونىمدىلىگى جوعارى تەحنيكا قاجەت»، – دەدى سقو اكىمى.
تيمۋر قۇلىبايەۆ ءوڭىر باسشىسىنىڭ ءسوزىن قۇپتاپ، سولتۇستىك قازاقستان وبلىسىنىڭ ماشينا جاساۋدا الەۋەتىنىڭ جوعارىلىعىن اتاپ ءوتتى.
قازىرگى تاڭدا وبلىستا 13 مىڭ بىرلىكتەن استام تراكتور، 7 مىڭ بىرلىك كومباين جانە 1 مىڭ بىرلىك ەگىن ەگۋ كەشەنى بار. الايدا جاسالعان ساراپتاماعا سايكەس ماشينا-تراكتورلاردىڭ 50%-نىڭ توزىعى جەتكەن، دەمەك، تەحنيكانى جاڭارتۋ كۇن تارتىبىندەگى باستى ماسەلە.
«اتامەكەن» ۇكپ ءتورالقا ءتوراعاسى وڭىرلىك كەڭەستىڭ كەڭەيتىلگەن وتىرىسىن قورىتىندىلاي كەلە، جيىندا وزەكتى ماسەلەلەر كوتەرىلگەنىن ايتتى، ۇلتتىق كاسىپكەرلەر پالاتاسى بۇل ماسەلەلەردى وبلىس اكىمدىگىمەن بىرلەسىپ شەشپەك.
