الەۋمەتتىك جەلىدە دەنەسى مۇشەلەنگەن جانە ورتەنگەن جانۋارلاردىڭ سۋرەتتەرى كەڭىنەن تارادى، دەپ حابارلايدى قامشى اقپاراتتىق اگەنتتىگى موي گورود باسىلىمىنا سىلتەمە جاساپ.
ورال قالاسىنىڭ تۇرعىنى «پوبەدا» گاراج كووپەراتيۆىندە «ايگۇل» ايالداماسىنىڭ اۋدانىندا ورنالاسقان گاراجدىڭ سۋرەتىن الەۋمەتتىك جەلىگە جۇكتەگەن. بۇل گاراجدىڭ يەسى جانۋارلاردىڭ دەنەسىن مۇشەلەپ كەسىپ، ولاردىڭ ولىكتەرىن جاقىن ماڭدا ورنالاسقان قوقىسقا الىپ تاستايدى ەكەن.
«قوقىس تاستايتىن جەردىڭ ءيىسى تىم جامان. مەنىڭ تۇسىنبەيتىنىم، وسى ۋاقىتقا دەيىن مۇنى ەشكىم بايقاماعان با؟ مەنىڭ ءيتىم جوعالىپ كەتتى جانە ونى سول ەركەك الىپ كەتتى دەپ ەستىگەنمىن. مەن ول گاراجدى تاۋىپ الدىم، وندا جانۋارلاردى قيناۋعا ارنالعان بۇكىل جابدىقتار بار – توبەگە بايلانعان جىپتەر، پىشاقتار، قان اعىپ كەتەتىن تازيك»، - دەپ جازادى سۋرەتتى عالامتورعا جۇكتەگەن ورال قالاسىنىڭ تۇرعىنى الەنا.
بويجەتكەن، سونىمەن قاتار، ءوز پوستىندا گاراجدىڭ قاسىندا ورنالاسقان قوقىس تاستايتىن جەر يتتەردىڭ ىشكى اعزالارى مەن كەسىلگەن باستارىنا تولى ەكەندىگىن جازىپ قالدىرعان.
اۋدارعان: نازەركە لابيحان
