بريتاندىق BBC World تەلەكومپانياسى كورسەتىپ جاتقان دەرەكتى فيلم «شىعىس پەن باتىس تۇيىسكەن تۇس» دەپ اتالادى. وندا شىعىس پەن باتىس جانە سولتۇستىك – وڭتۇستىك باعدارلارىنىڭ تۇيىسكەن تۇسىندا الەمدىك دەڭگەيدەگى ءىرى ديستريبۋسيالىق ورتالىق دامىپ كەلەدى، دەپ جازادى قامشى اقپاراتتىق اگەنتتىگى.

ءفيلمنىڭ پروديۋسەرى د. ۋەلستىڭ ايتۋىنشا، بۇرىن قورعاستا قۇم جالدارى قىستا قار جالدارىنا اينالاتىن. ءقازىر مىنە يەن دالادان الىپ قۇرعاق پورت بوي كوتەردى.

«قازاقستان مەن جۇڭگو شەكاراسىندا ورنالاسقان قۇرعاق پورت ازيا مەن ەۋروپاعا شىعاتىن ترانزيتتىك پويىزداردى وڭدەۋدەن وتكىزەدى»، - دەيدى پروديۋسەر.

بۇل تۋرالى «قازاقستان تەمىر جولى» ۇك» اق باسپا ءسوز قىزمەتى حابارلايدى.

دەرەكتى ءفيلمدى ءتۇسىرۋ توبى نۇركەنت سەلوسىنىڭ جەرگىلىكتى تۇرعىندارىنىڭ تاعدىرى تۋرالى قىزىقتى ماتەريال ازىرلەگەن. دەرەكتى فيلمدە «قورعاس» حشىو ەرەكشە ورىن الادى. بۇل جوبا قازاقستان مەن جۇڭگو مەملەكەت باسشىلارىنىڭ باستاماشىلىعىمەن جۇزەگە اسىرىلۋدا. نەگىزگى ينۆەستيسيالىق نىسانداردىڭ قۇرىلىسىن 2018 جىلى اياقتاۋ جوسپارلانىپ وتىر.

فيلم «ۆۆس Worldwide» باعدارلاماسى ارقىلى سەگىز تىلدە بەرىلىپ، اپتاسىنا الەمنىڭ 74 ميلليون كورەرمەنىن قامتيتىن بولادى. قازاقستاندىق تەلەكورەرمەندەر دەرەكتى ءفيلمدى 27 مامىردا تاماشالايتىن بولادى.

شولۋشى: گۇلىم جاقان