اتىراۋ وبلىسىندا ەكى تۇرعىنعا مەشىتتە داۋىستاپ «ءامين» دەگەنى ءۇشىن ايىپپۇل سالىندى، دەپ حابارلايدى قامشى اقپاراتتىق اگەنتتىگى موي گورود باسىلىمىنا سىلتەمە جاساپ.

سۇرە وقىلىپ بولعاننان كەيىن نامازعا جىعىلۋشىلار «ءامين» دەگەن ءسوزدى ىشىنەن ايتۋى قاجەت.

نامازعا جينالعان جاماعاتتىڭ ىشىندەگى ەكى جىگىت داۋىستاپ «ءامين» دەپ ايتقان ەكەن.

سالدارىنان، ەكەۋى دە اكىمشىلىك جاۋاپكەرشىلىككە تارتىلىپ، ولارعا 50 اەك  - 113 450 تەڭگە ايىپپۇل سالىندى.

مەشىتكە كەلۋشىنىڭ مىندەتتەرى جازىلعان ەرەجەنىڭ 3-4 بولىمىنە سايكەس «ءامين» دەگەن ءسوزدى داۋىستاپ ايتۋعا تىيىم سالىنادى ەكەن.

ەستەرىڭىزگە سالا كەتسەك، اعىمداعى جىلدىڭ اقپان ايىندا جاڭاوزەندىك ءتورت تۇرعىنعا مەشىتتە جاماعاتپەن ناماز وقىپ تۇرعاندارىندا داۋىستاپ «ءامين» دەپ ايتقانى ءۇشىن ايىپپۇل سالىنعان بولاتىن. جازاعا تارتىلۋىنىڭ نەگىزگى سەبەبى – كەلۋشىلەر يمامعا كەدەرگى جاساپ، ءدىننىڭ تالاپتارىن بۇزعان.

اۋدارعان: نازەركە لابيحان