اقش-تىڭ فلوريدا شتاتىنداعى بوكا راتون قالاسىندا ورنالاسقان «Boca raton resort & club»-تا ءوتىپ جاتقان كاسىپقوي بوكس كەشىندە جانقوش تۇراروۆ قارسىلاسىنان باسىم ءتۇستى دەپ حابارلايدى قامشى اقپاراتتىق اگەنتتىگى.

مەكسيكالىق گۋستاۆو گاريبايمەن بوكستاسقان جەرلەسىمىز العاشقى راۋندتان-اق قارسىلاسىنان باسىم ەكەنىن كورسەتتى. ال، ءۇشىنشى راۋند ورتاسىنداعى سول قولمەن ۇرعان سوققىسى مەكسيكالىقتىڭ جاعىنى استىنان ءتيدى. ول سودان سوڭ قارسىلاسىن قۋالاپ ءجۇرىپ سابادى. وسىلايشا تەحنيكالىق نوكاۋتپەن جەڭىسكە جەتتى.

قازاقستاندىق كاسىپقوي بوكسشى جانقوش تۇراروۆ 2016 جىلى ءوزىنىڭ 20-شى جەڭىسىن تىركەپ، 14ء-شى نوكاۋتىن تاريحقا جازعان ەدى. ول ساتتەگى قارسىلاسى گانالىق يسااك اريە بولاتىن

جانقوش تۇراروۆ 1990 جىلى 20 قاراشادا جامبىل وبلىسى، اقكول اۋىلىندا دۇنيەگە كەلگەن. بىردەن كاسىپقوي بوكسقا كەلگەن قازاقستاندىق كاسىپقوي بوكسشى، كوپتەگەن حالىقارالىق تۋرنيرلەردىڭ جەڭىمپازى، 2009 جىلدىڭ 6 اقپان كۇنى الماتى قالاسىندا كاسىپقوي بوكستاعى العاشقى جەكپە-جەگىن وتكىزدى.

ايتا كەتسەك وتكەن جىلدىڭ 18 قاراشاسىندا وتباسىن قۇرعان جانقوشتىڭ بىرنەشە كۇن بۇرىن عانا قىزى دۇنيەگە كەلىپ، اكە اتانعان ەدى.

اتالعان بوكس كەشىندە جانقوشپەن بىرگە قانات يسلام دا ءوزىنىڭ 24 كەزدەسۋىن وتكىزدى. سالماق ولشەۋ راسىمىندە ولاردىڭ كوڭىل-كۇيى وتە جاقسى بولدى. ەسكە سالساق، بيىل 9 قىركۇيەكتە استانادا جەرلەستەرىمىز ۇلكەن كەزدەسۋ وتكىزەتىن بولادى.