شىمكەنتتە  4 جاستاعى بالاسىن كۇرەكپەن سوققىعا جىققان ەر ادام ۇستالدى، دەپ حابارلايدى قامشى اقپارات اگەنتتىگى informburo.kz-كە سىلتەمە جاساپ.

ەر ادامدى 27 مامىر كۇنى تاڭەرتەڭ ەڭبەكشىقازاق اۋدانىنىڭ اۋداندىق ىشكى ىستەر ءبولىمىنىڭ قىزمەتكەرلەرى قولعا ءتۇسىردى. ەر ادام راسىمەن دە شىمكەنت قالاسىنىڭ تۇرعىنى بولىپ شىقتى. ەر ادام 49 جاستا  جانە جۇمىسسىز ەكەنى انىقتالدى. ءار ءتۇرلى جۇمىستار اتقارۋ ارقىلى كۇن كورىس جاساپ جۇرگەنى ءمالىم بولدى. ۆيدەو كەزەكتى جۇمىس ورنىنىڭ  بىرىندە تۇسىرىلگەن.

سوققىنىڭ استىندا قالعان ءبۇلدىرشىن اكەسىمەن بىرگە تۇراتىنى حابارلاعان بولاتىن.

 ەر ادامنىڭ ايتۋى بويىنشا، بالانىڭ اناسى ەكەۋىن تاستاپ كەتكەن.

ەر ادامنىڭ ۆيدەوسى 25 مامىر كۇنى جەلىگە تارالعان بولاتىن. سول كۇننەن بەرى ىزدەستىرىلۋ جۇمىستارى جۇرگىزىلگەن.

بۇل تۋرالى ۆيدەونى ارناعا جولداعان وقيعانىڭ كۋاسى جازىپ جىبەرگەن. بەينەجازبادا ەر ازامات 4-5 جاس شاماسىنداعى بالانى ءبىر-بىرىنىڭ ۇستىنە قالانىپ ورناتىلعان كولىك دوڭگەلەكتەرىنىڭ ىشىنە تۇرعىزىپ قويىپ، باسىنان كۇرەكپەن ۇرىپ جاتقانى تۇسىرىلگەن. ال شاراسىز بالا قورعانىپ، باسىن قولىمەن جابۋعا تىرىسادى. ال وقيعانىڭ كۋاسى بولىپ تۇرعان ايەل بالاعا كومەكتەسۋگە قۇلىقسىزدىق تانىتقان.

ۆيدەونى جىبەرۋشىنىڭ ايتۋى بويىنشا، اكەسىنىڭ قاتىگەز ارەكەتتەرى كۇن سايىن قايتالانىپ وتىرادى ەكەن. ءبىر كۇنى باسىن كىرپىشپەن ۇرسا، كەلەسى كۇنى مازاق ەتۋدىڭ، قورلاۋدىڭ باسقا تۇرلەرىن تاۋىپ وتىرادى ەكەن. 4 جاستاعى بەيكۇنا ءبۇلدىرشىننىڭ دەنەسىنىڭ ساۋ جەرى قالماعان. كوك الا قويداي ساباپ بولعان سوڭ، قانتالاپ ، كوگەرگەن جەرلەرىن كەتىرۋ ءۇشىن ساعاتتار بويى سۋىق سۋدىڭ استىندا تۇرۋعا ماجبۇرلەيدى ەكەن.
ەر ادامعا قازاقستان رەسپۋبليكاسىنىڭ قىلمىستىق كودەكسىنىڭ 110 بابى بويىنشا قىلمىستىق ءىس قوزعالدى. 

شولۋشى: ايگەرىم تاۋباي