ۇلىبريتانيانىڭ ەكس-پرەمەرى ديەۆيد كەمەرون لوندونداعى دۇكەندەردىڭ بىرىندە كەزەكسىز شۇلىق ساتىپ الامىن دەپ ەلدىڭ نازارىندا قالدى، - دەپ جازادى tengrinews.kz ريا نوۆوستي-عا سىلتەمە جاساپ. ەكس-پرەمەر JD Sports دۇكەنىندە جەڭىلدىكپەن ساتىلىپ جاتقان شۇلىقتاردى ساتىپ الماقشى بولعان.
ديەۆيد كەمەرون دۇكەنگە ءوزىنىڭ وققاعارىمەن بىرگە كاسساعا كەزەكسىز ءوتىپ كەتپەك بولعان ءساتتى دۇكەندەگى كەلۋشىلەردىڭ ءبىرى ۆيدەوعا ءتۇسىرىپ العان. ۆيدەوعا تۇسىرگەن ايەل ەر ادامنىڭ بۇل ارەكەتىنە اشۋلانعان. "وعان نەلىكتەن ەرەكشە نازار اۋدارىلۋى كەرەك ەكەنىن تۇسىنبەيمىن، ول ەندى ءقازىر پرەمەر ەمەس قوي. بۇعان قاراماستان ول كەزەكسىز بىزدەن بۇرىپ ءوتىپ كەتپەكشى بولدى"، - دەيدى ايەل جۋرناليستەرگە. وسىلايشا، ۇلىبريتانيانىڭ ەكس-پرەمەرىنىڭ ارەكەتى جەلى قولدانۋشىلارى اراسىندا داۋ تۋعىزدى.
