جۇرەگىمنىڭ جارتىسى

ابزالدىڭ بۇرىنان بەرى ماحابباتقا كەلگەندە جولى بولمايتىن.5-قىزدىڭ اراسىندا وسكەننەن كەيىن بە، قىز اتاۋلىنىڭ بارلىعى وعان دوس، سىرلاس بولىپ كەتەتىن، ودان ارعىعا بارمايتىن.ءتۇر كەلبەتى كەلىستى، ءوزىن قاراعانى سونشالىق كەي قىزداردان كيىنگەنى تاپ-تازا تۇيناقتاي.تەك ءبىر اتتەگەن اي،بولاشاق جارىن كەزدەسەتىن ەمەس.ىزدەپ جۇرگەنىنە بيىلعى كۇزبەن ساناعاندا 9 جىل ءوتىپتى.

قىز-قىرعىنمەن ءجۇرىپ،كوڭىل كوتەرگەنى بىلاي تۇرسىن،تىپتەن قىز اتاۋلىمەن قۇشاقتاسىپ كورمەپتى.بويداقتىقتىڭ تالاي ازعىرۋى جان جاققا تارتىپ،جىگىتتىكتىڭ جەلكەنى جالىنداتىپ ءبىر جاققا سوقپاسىن دەپ ءوزىنىڭ اقىلىن سۇرىپتاپ،يمانىن ءۇيىرىپ بەس ۋاقىت ناماز باستاعانى بار.جاسى 26 دا.بۇيىرماسا بەكەرگە جۇگىرگەننەن پايدا جوق ەكەن.تالاي قىزدىڭ ارتىنان جۇگىرگەن ەدى،ولار دا الدار كوسەدەي قۋلانىپ العان،ءبارى وزىنىكىن الىپ پايدالانىپ كەتەدى.جۇمىسى ورنىقتى،اقشانى باسقالاردان ارتىق تاپپاسا كەم تاپپايدى،ارينە كولىك كيىم كەشەك ت.ب بارلىعى دەرلىك جەتكىلىكتى.ۇيدەگىلەرىنە دە اي سايىن تابىسىنىڭ 30 پايىزىن جىبەرىپ وتىرادى.ايتپاقشى ەكى اي بۇرىن عانا «تۇرعىن ءۇي جيناق بانكى»ارقىلى كەزەكپەن ءوزىنىڭ پاتەرىنە دە قول جەتكىزدى.ءبىر سوزبەن ءومىر كۇيبەلەڭى ءوز ورنىندا.

تەك وسىمەن ءۇش اپتا بويى ۇيقىسى تىنىش ەمەس، تۇسىنە جامان كەيىپتەر كىرىپ ءتۇن ۇيقىسىنىڭ شىرقىن بۇزۋدا. قايداعى جوق، قاراڭعى بولمە، ءبىر قىزدىڭ ەڭىرەپ جىلاعان ءۇنى،بەيىت باسى،اي دالادا جالعىز قالعان ءۇي،ىشىنە كىرسە جالعىز وتىرعان قىز بارىپ جۇباتپاق بولعانداعى بەت ءجۇزىن كورە الماعان كەزدەر،سول سەكىلدى كوپتەگەن ۇرەيلى تۇستەر.ءۇش اپتا بويى ەسىن الىپ ءبىتتى.تەك ۇيىعان يمانىنىڭ ارقاسىندا جانىنىڭ تىنىشتىعىن تاۋىپ ءجۇر.كۇندەلىكتى جۇمىستان شىققان سوڭ سوڭعى كەزدەرى مەشىتكە بارىپ ۋاقىت وتكىزىپ يمامدارمەن،مەشىت قىزمەتكەرلەرىمەن اڭگىمە قۇرۋ سياقتى جاقسى ادەت شىعارعان.ولدا جۇرەگىنىڭ جالعىزسىراعانىنان تۋىنداعان ادەت شىعار.دوستارىنا كەلسەك،دوستارى وتە كوپ،ءبىراق ءار قايسىسى ءوز وتاۋلارىن قۇرىپ كەتكەن،جالعىز ەرمەك اتتى دوسى قالعان ەدى،ولدا جاقىندا گراجدانسكيي براك دەگەن شىعىپتى دەپ،ءبىر قىزدى ەرمەك قىلىپ ءجۇر.وسىلاي ۋاقىت وتۋدە.تەك جۇرەك جىلعىزسىراپ،سىزداتىپ بارادى.اكە-شەشەسى دە جاستارى كەلىپ،نەمەرەلەرىن قۇشتارلانا ءسۇيۋدى اڭساپ ءجۇر.اۋىلعا بارعان سايىن،ۇيلەن دەپ قۇلاعىنا قۇيىپ جىبەرەدى.ال ءۇي ءىشىن قالاعا جانىنا كوشىرتىپ الايىن دەسە،اكەسى قارسى،تۋعان توپىراعى،ىرگە كوتەرگەن،جۇرت قاتارىنا قوسىلعان اۋىلىنان كەتكىسى جوق.توپىراعىم وسىندا كومىلسىن دەيدى.بارلىق ءومىرىن ءتىزىپ قاراسا،ەر جىگىتكە ءتان بارلىق دۇنيەنى تىندىرىپتى.

-شۇكىر دەيدى ىشىنەن.

ىشىنەن دۇعا تىلەپ،تۇرۋعا ىڭعايلانىپ جاتقان ەدى،ارتىنان بىرەۋ

-بۇگىن ەرتەرەك كەتىپ باراسىڭعوي،كەلىن بالانىڭ اسىن ساعىنىپ كەتتىڭبە؟دەگەن داۋىس شىقتى.

ارتىنا قاراسى ءدىلحان ۇستاز ەكەن.ورتالىق مەشىتتىڭ يمامى.

-جووعا،قايداعى ۇستاز،بار بولسا ساعىناسىڭ،جوق نارسەنىڭ نەسىن ساعىناسىڭ دەدى.

-وي قوي بالام سەن ءالى ۇيلەنبەگەنسىڭبە،مۇنىڭ بولماس-دەپ رۋايات ەتىلگەن ءبىر حاديستەن ءتۇرتىپ ءوتتى.

ء-يا اعا وسىلاي جاعداي،قالاي جار ءسۇيىپ،بالا شاعامنىڭ ادال ەڭبەكپەن تاپقان ناپاقاممەن قارىندارىن تويعىزسام ارمانىم جوق ەدى.تەك بۇل تۇرىممەن ونىڭ اۋىلى الىس سەكىلدى.

-قوي بالام ۋايىمداما،جىگىت ادامنىڭ قوسقان قوساعى مىندەتتى تۇردە بار.مەيىرىمى شەكسىز جاراتقان اللا ادام اتاعا سەرىك بولسىن دەپ حاۋا انانى جاراتقاندىعىن بارلىعى جاقسى بىلەدى.سوندىقتاندا بالام،ەشقاشاندا بولاشاق جارىمدى تاپپادىم دەپ تۇڭىلمە.

وسىنداي ديالوگتان كەيىن ابزال مەشىتتەن شىققان بويدا ءبىر جەردەن اۋقاتتانىپ الايىن دەپ ءدامحاناعا كىردى.كىرگەن بەتتە الدىندا ءبىر قۇبىلا بىتكەن بويلى قازاق قىزى قارسى الدى.كىرىڭىز دەپ، جوعارعى جاقتاعى بوس ءستولدى كورسەتتى.ءبىر كورگەن كوزگە سۇيكىمدى اق.قىزدى كورگەن ابزال،مۇمكىندىگىمدى جىبەرمەيىن،قۇدايدان سۇراي بەرگەنىمدە ول تەرەزەدەن ماعان ءما دەپ لاقتىرمايدىعوي،وزىمدە قوزعالايىن دەدى.تاپسىرىس الۋعا جانىنا كەلدى،قانشا جەردەن داۋىسى جارقىن،كەڭىردەگى اشىلعان قوڭىر داۋىستى جىگىت بولسا دا،الگى قىز جاقىنداعان كەزدە،ىشتەي تۇتىعىپ سويلەي الماي قالعان سىڭايلى.

قىز اعاي نە تاپسىرىس بەرەسىز دەگەندە،ابدىراپ بارىپ،ەسىن جيعان بولدى.

-ماعان ءبىر تۇشپارا،سودان مىناۋ سالاتتان،ءشايىڭىز بەن ناندى ۇمىتپاڭىز دەدى.

-قىز تاپسىرىستى العان بەتتە،جىميعان كۇيدە اس بولمەگە كىرىپ كەتتى.

شىن مانىنە كەلگەندە قىز بالانىڭ ءبىرىنشى قادامعا وزدەرى باعىتتايتىنىن بىلەتىن.تەك قادامىن جاساپ الىپ،ارى قاراي نە ىستەۋ كەرەكتىگىن بىلمەيتىن.تاماعىن لەزدە الىپ كەلدى.كۇنى بويى ءنار تاتپاعان بويداق قويىلعان ىستىق استى اپ-ساتتە سىلق ەتكىزدى.داياشى قىز دا جىلتىڭداپ قاراي بەردى.قىزدىڭ كەتارى ەمەستىگىن ابزالدىڭ ىشكى ينستينگى سىبىرلاپ تۇر.تانىسامىن دەگەن وي ۇدەگەن سايىن ىشكى قورقىنىش پا،الدە ۇيات سەزىمىمە ءبىر تىلسىم كۇش ارتقا قاراي تارتتى دا قويدى.بۇل جولى دا تانىسۋعا باتپادى.ءبىراق،باعاناعى وزىنە بەرگەن سەرتى سەندەلتىپ وتىر.ستۋدەنت كەزىندە داياشى بولىپ قىزمەت ەتكەن بولاتىن.ارىپتەس بولىپ قىزمەت ەتكەن ءبىر قىزقۇمار راسۋل اتتى دوسى بار بولاتىن.سول مايلىق قاعازدان گۇلدىڭ ءتۇر ءتۇرىن جاسايتىن.ابزالعا دا ۇيرەتكەن بىرنەشە ءتۇرىن.بۇل دارىنىن بويداق جىگىت ۇمىتىپ تا كەتىپتى.قايدان كەلگەن وي ەكەندىگى بەلگىسىز،قاعازدان روزا گۇلىن جاساپ،قاسىنا ءبىر قيىق قاعازعا ءوزىنىڭ ەسىمى مەن تەلەفون ءنومىرىن جازىپ كەتتى.تاماعىنىڭ اقشاسىندا اسىعىس تاستادى دا،ءجۇرىپ كەتتى.ول ۇياتىنان،جىگىتتىك باتىلدىعىنان قاشىپ ءجۇر.ارتىنا قاراماستان كەتتى دە قالدى.قوڭىراۋ شالادىما،جوقپا دەگەن ويلار باسىندا مازالاعان ەدى،بىرەر ساعاتتان كەيىن ول ويلار دا سەيىلدى.سانادان كەتتى.كولىگىن كۇندەلىكتى ورنىنا تۇراقتاپ،اۋا رايىنىڭ ەرەكشە كوڭىل كۇي بەرىپ تۇرعانىن بايقاپ،كىشكەنە تازا اۋا جۇتايىن دەپ كىدىردى.تىنىمسىز تىرشىلىكتەن تالىقسىعان ويىن دەمالتپاق بولىپ،ورىندىقتا ءبىراز وتىردى. تەلەفون شىلدىرى تەرەڭگە كەتكەن ميىنا توق جىبەرگەندەي سەلت ەتكىزدى.قارايلاسا،بەيتانىس ءنومىر.كوتەرەيىن بە جوق پا دەپ ەكى ويمەن اقىرى،جاسىل تەتىكتى باسىپ ءتىل قاتتى.

-ار جاعىنان ءبىراز كىدىرىستەن كەيىن موسارتتىڭ مۋزاسى سەكىلدى اسەم ىرعاقتى اللو سالەم دەگەن داۋىس شىقتى.

-سالەم.

-تانىماعان شىعارسىز،ەسىمىم قورلان بولادى.بۇگىن ءسىز تاماقتانعان ءدامحانادان تەلەفون ءنومىرىڭىزدى تاۋىپ حابارلاسقىم كەلدى.قارسى ەمەسسىزبە دەدى.

ابزالدىڭ ءسال دەمالىسىنىڭ كۇل تالقانىن شىعاردى.اۋىزىنا تولتىرا سۋ قۇيىپ العان سەكىلدى،سويلەيىن دەسە ءۇنى شىقپايتىنداي ءبىرتۇرلى كۇيدە قالدى.ءتىل قاتايىن دەسە ءۇنسىز مىلقاۋ بولدى دا قالدى.جۇرەگى ءبىر ساتكە توقتاپ،قايتا سوققان سەكىلدىمە قالاي.تۇسىنىكسىز كۇي.بار باتىلدىعىن جيناپ،سالەم ءيا مەن ەدىم دەپ،ءبىر نارسە ءبۇلدىرىپ قويعان بالاداي ۇزىك ۇزىك ءتىل قاتتى.

-ار جاعىنان سىڭعىرلاعان كۇلكىنىڭ داۋىسى دىبىرلادى.

نە دەپ جاۋاپ بەرەرىن بىلمەي،سايقال ويلار سان ساققا ساندالتتى.ميدى اشىتىپ،ىشتەي ساندىراقتاپ جاتىر.ءبىر كەزدە ەسىن جيىپ،ەسىمىم ابزال بولادى.سولتۇستىك قازاقستان وبلىسىنىڭ تۋماسىمىن.ارى قارايعى اڭگىمە وزىنەن ءوزى اعىتىلا بەردى.جاڭا تانىسقان جاستاردىڭ اراسىندا مادەنيەتتى،ءارى سەزىمنىڭ ۇشقىنى سەزىلەتىن ديالوگپەن ءوربىدى.ابزال قۇددى ءبىر وزىمەن ءوزى قالىپ اڭگىمە قۇرعانداي تەبىرەنىپ توگىلدى كەپ.

ابزال مەن قورلاننىڭ اڭگىمەسى تاڭعا دەيىن جالعاستى.تەبىرەنىس ديالوگىنا سۇڭگىپ كەتكەن ابزالدى تەلەفونىنىڭ قۋاتى ءبىتىپ توقتاتتى.

-ار جاقتان قايىرلى تاڭ دەگەن داۋىس ەستىلدى.بۇل قورلاننىڭ نازىك ءۇنى.شىنىمەن-اق تاڭ بوزارىپ اتىپ كەلەدى ەكەن.

ء-جا،شىنىمەن ەرتەڭ دە كۇن بار.ساۋ بول،دەپ ديالوگىن توقتاتتى.تەلەفون تۇتقاسىن قويسا،ايىرىلىپ قالاتىنداي ءبىرتۇرلى كۇيدە تۇتقانى قويدى.وسىنداي سەزىمگە تولى اڭگىمەدەن كەيىن قايداعى ۇيقى دەرسىڭ.تەبىرەنىپ،تەڭسەلىپ كۇندەگى جالعىز جاتاتىن توسەگىندە ءبىراز جاتتى.وي ۇستىندە جاتىپ،قالعىپ كەتىپتى،جۇمىستان تۇسكەن شۇعىل قوڭىراۋدان سەلت وياندى.جۇمىستاعىلار دابىرا تەكسەرىس كەلەدى دەپ دايىندىق ۇستىندە ەكەن.اسىعىس كيىنگەن بەتتە جۇمىسقا جەتتى.ايتەۋىر تالاي جىلعى كۇندەلىكتى ءبىر تىرلىكتەن كەيىن ءبىر ءۇزىلىس،وزگەرىس بولدى اۋ.جۇمىستان كەشىگىپ،قولدان جاسالعان زاڭدى بۇزعانىنا ءبىر جاعىنان ءماز.ءبىر ويى ۇيالىپ تۇر.

كەشەگى ءنومىردى تەلەفونىنا ساقتاپ قويعان بولاتىن.تۇسكى اس كەزىندە،قولى قالت ەتسە بولدى سول نومىرگە قاراي بەرەدى،نەشە رەت حابارلاسۋعا،حات جولداۋعا وقتالىپ ەدى،قولى بوس ەمەس اۋ ۋاقىتى دا تىعىز شىعار دەگەن سىلتاۋ مەن ءوزىن جۇباتىپ قويدى.كەشەگى سويلەسكەن ساعاتىن قايتا قايتا قاراپ ىشتەي ءماز.نە سەزىم ەكەنىن ءوزى دە تۇسىنەر ەمەس.ءبىر كورگەننەن ويانعان،ماحاببات پا،الدە بويداق جىگىتتىك قۇمارلىعىما.ءبىراق سونى ىزدەي بەرەسىڭ.ءبىر قىزىعى كوزىمدى جۇمسام بەينەسىن ەلەستەتە المايمىن.ءبىر كورىپ وتكەن ءتاتتى ءتۇس سەكىلدىمە قالاي ءوزى.سەزىم دەگەن ساۋ ادامدى ەسەڭگىرەتىپ تاستايدى ەكەن.قوي جىگىتتىڭ سەزىمگە بەرىلىپ،سىزىلىپ وتىرعاندىعى جاراسپايدى ەكەن-دەپ ءوز-وزىن قايراعانداي بولىپ ەدى،ونىسىنان تۇك شىقپادى.قورلان دەگەن سوزدەن باسقا ءسوزدى بىلمەي قالعان سەكىلدى.تىپتەن جۇمىستا وتىرىپ،بۇل ەسىمنىڭ ءتۇرلى ماعىنالارىن زەرتتەپ،كەشكى اڭگىمەگە ارقاۋ تاۋىپ العان.2007 جىلدىڭ جەتىنشى ايدىڭ جەتىسى،ساعات جەتى.بۇل مەنىڭ شىنىمەن تاعدىرىمدى تولىقتىراتىن ماحابباتىم دەپ قويادى.

ابزال مەن قورلان ەكەۋى كۇندە سول ۋاقىتتا تەلەفونمەن سويلەسەتىن بولدى.سەزىم ديالوگىنا تەربەلىپ،اسەم كۇيگە بولەنىپ تاڭ اتىرۋدا.ابزال تالاي قورلاننىڭ جۇمىس جەرىنە بارۋعا وقتالىپ ەدى.ەز جۇرەگى ەش باتپايدى.تىپتەن كۇندەگى ساعاتتان بۇرىن نە كەش حابارلاسقان ەمەس،كۇندەلىكتى سول ساعات سول مينۋت.

ۋاقىت ءبىر ورنىندا تۇرۋشى ما ەدى.قارا تەلەفونمەن ايىرىلماي جۇرگەنىنە تۋرا 2 اي بولىپتى.ءومىرى الدە قايدا وزگەرگەن.كۇنىن وتكىزىپ،كەشكە قاراي قورلان ەكەۋى بىر-بىرىنە ەسەپتەرىن ايتادى.تانىستىق ارالاستان،ءقازىر جانىم دەپ ارالاساتىن بولعان.سۇر بويداقتىڭ قۋانىشىندا شەك جوق.تىپتەن ۇيدەگىلەرىنە دەيىن ايتىپ ۇلگەرگەن.تالاي ساعات ۋاقىتتارداعى جينالعان باتىلدىعىن ۋىستاپ،قورلاندى كەزدەسۋگە شاقىرماق بولدى.بۇعان دەيىن دە ول قىزىنا كەزدەسپەيمىزبە دەپ ازىلدەپ تە شىنايى دا ايتاتىن.ءبىراق ءار كەز قورلاننىڭ سىلتاۋى دايىن تۇراتىن.شىنىمەن دە سولاي شىعار،ۋاقىتى بولاي جۇرگەن بولار.ۇيىندە ۇلكەن قايعى بولىپ جۇرگەن شىعار دەپ ءوزىن الدايتىن.بۇل تەك بويداقتىڭ جۇرەگىندە ويانعان سەزىمگە ءمىن جۇقتىرماۋ.ال بۇل جولى ابزال شىن نيەتتەندى.ويتكەنى ءۇش كۇننەن كەيىن ونىڭ تۋىلعان كۇنى.ءوز مەرەكەسىندە وزىنە سىيلىق جاساماق نيەتتە.قورلانعا حابارلاسىپ ءمان جايدى ءتۇسىندىردى.قورلان وسى جولى كەزدەسۋگە كەلىستى.قانشا ۋاقىتتان شاتاسسا دا بۇل جولى ءبارىن قيدىم دەدى.ابزال تۋعان كۇنىنە قىزۋ دايىندىق ۇستىندە.قورلانمەن وتكىزەتىن كۇندى بۇگە-شەگەسىنە دەيىن ويلاستىرىپ قويعان.

كەزدەسۋ كۇنى تۋدى.جىل سايىن ارىپتەستەرىمەن بىرگە تۋعان كۇنىن قارسى الاتىن ابزال بيىلعى تۋعان كۇنى جۇمىسىنا دا بارمادى.بار ويى قورلاندى كورۋ.تەلەفوننىڭ دىبىستاعىشىنان شىعاتىن داۋىستى جاندى تۇردە ەستۋ.ماحابباتىمەن كەزدەسۋ.كۇنى بويى قورلاننان حابار جوق.ءتىپتى تۋعان كۇنىمەن قۇتتىقتاعان دا جوق.جىگىتتىڭ كوڭىلى الاڭداۋلى.ساعات جەتىنى تىقىلداتقاندا قورلاننان قوڭىراۋ كەلىپ ءتۇستى.ەندى ءسال كەشىكسە،ابزالدىڭ شىدامى تاۋسىلايىن دەگەن ەدى.

-جانىم تۋىلعان كۇنىڭمەن!

ابزالدىڭ بارلىق كۇمانى،اشۋى،قورقىنىشى وسى ءۇش سوزبەن شايىلىپ كەتكەندەي.نەگىزگى جوسپار بويىنشا ءبىرىنشى كەزدەسۋ ورتالىقتاعى پاركتە،سودان كەرەمەت ديزايندا،اس ءمازىرى دە ەرەكشە جاسالعان رەستوراندا جالعاسۋ كەرەك بولاتىن.قورلان ەركەلىگىنە باسىپ،قالادان سىرتتا كەزدەسۋىن ءوتىندى.جىگىتتىك جۇرەكتى سۇيگەن جان باعىندىراتىنى انىق ەمەسپە.كەلىستى..ابزال تىپتەن ەستىمەگەن ءبىر ادرەستى ايتتى.جاس اقىل تەز جاتتاپ العان بولدى.تاكسي ۇستاپ سول ادرەسكە تارتتى.جاڭا سالوندى اۆتوكولىكپەن زۋلاتىپ كەلەدى.قالادان الدە قايدا الىستاپ كەتتى.ابزال ءوزى اڭ-تاڭ بۇل دا ءبىر سىلسام سىي شىعار دەيدى ەشتەي.

-بالام ول جاقتا ءتۇنجارىمدا نە جوعالتتىڭ؟

-قىزىممەن كەزدەسۋگە بارا جاتىرمىن اعا.

-كەزدەسەتىن باسقا جەر تاپپادىڭدارما؟

-جوق اعا،بۇگىن مەنىڭ تۋعان كۇنىم،جاساعان تىلسىم سىيى شىعار .

ء-اي ءححى عاسىردىڭ جاستارى اي.ىستەمەيتىندەرىڭ جوققوي دەدى.

ابزالدىڭ ءوزىن وسىنشاما باقىتتى سەزىنگەنى ءبىرىنشى رەت.قولىنا قىسقان تەلەفونىن قايتا قايتا ءسۇيىپ قويادى.ءوزىن قۇددى ءبىر تالاي جىلعى تۇماننان كوزىن اشقانداي كۇيدە بولدى.ويىندا الاي دۇلەي تەبىرەنتىپ،تەڭسەلىپ،ءوزىن قويارعا جەر تاپپاي تىپىرشىپ وتىر.دىتتەگەن جەرگە كەلدى.جان جاعىنا جالتاقتاپ قاراپ ەدى،كەش باتىپ كەتىپتى.تاۋدىڭ جوعارعى بەتى قىزارىپ تۇرما قالاي ءوزى.ءوز ۇياسىنا باتىپ بارا جاتقان كۇندە ەرەكشە تۇسكە بويالعان،اسپانداعى بۇلتتاردا قارا كۇرەڭ تۇسپەن بويالعان سۋرەت سەكىلدى.ءبارى ءبارى كەرەمەت ەرەكشە ءبىر ۇيقاس بەرىپ تۇر.ابزالدىڭ ىشكى سەزىمىن،تەبىرەنىسىن ءشامشىنىڭ انىمەن جەتكىزبەسە،ەشبىر اقىننىن ءسوز ۇيقاسى جەتكىزە المايتىن سياقتى.ىشىنەن ىڭىرسىپ ءبىر اۋەنگە سالدى.وسىندايدا شىركىن ۋاقىت توقتاپ قالادى ەمەسپە.ساعاتتىڭ تىلدەرى جەتىگە جاقىنداعان سايىن تىپتەن قوزعالماي قالدى.

جان جاعىنا جالتاڭدايدى.ەشكىم جوق،الىستاۋ بەتكەيدەن ءبىر جارىق قانا كورىنەدى،ءبىر ءۇي سياقتى.جولدىڭ بويى دا ەمەس.ءبىراق بۇل جەر ابزالعا تانىس.ءبىر جەردەن كورگەن سەكىلدى،بەينە ءبىر جايتتى ەسكە تۇسىرەتىن سياقتى.كەش باتقاننان با،جەل اقىرىن اۋەنگە سالىپ تۇر،ال جۇرەگىنىڭ ءدۇرسىلى قورلان دەپ اۋەندەتۋدە.قورلانىنا حابارلاسقان ەدى،تەلەفونى ءسوندىرۋلى.الداپ كەتتى اۋ دەپ قويادى.ءبىراق جوق،ولاي بولۋى مۇمكىن ەمەس،ونىڭ ولاي ىستەۋى مۇمكىن ەمەس دەپ پاك ويى دا ءوزىن سابىرلىققا شاقىرۋدا.

ساعاتتىڭ ءتىلى جەتىگە كەلىگە تاقالىپ بارىپ توقتادى.قولىنداعى ساعاتى ودان ءارى سوعۋعا قاۋقارى جوق،جۇرەگى دە سونداي جاعدايدا ەدى.ەسكىرگەن بولاتىن.ەندىگى بار ءۇمىتى عالامنىڭ اقىلدىسى ويلاپ تاپقان ءتورت بۇرىشتى ۇيالى تەلەفونىندا.سونداعى ءبىر عانا قوڭىراۋدى كۇتۋدە.ءبىراق ءالى ۇنسىزدىك،مىرت تىنىشتىق.

سول تىنىشتىقتان جان دۇنيەسى الاي-دۇلەي،كوڭىلى الاڭداۋلى.بويىن بيلەگەن سەزىم وتى اشۋعا اينالىپ بارادى ما قالاي ءوزى.ءبىر ۋاقىتتا تەلەفونىنا قورلاننان حابارلاما كەلىپتى،لەزدە اشىپ قاراسا ءبىر سۋرەتتى جىبەرىپتى،استىندا «مەن سەنى كۇتۋدەمىن»دەپ جازىپتى.بۇل سۋرەت وسى ماڭايدا تۇسىرىلگەن.ءبىراق قاي جەر.ابزال ءبىراز ويلانىپ،بارلىق اشۋىن ءتيىپ وسى سۋرەتتىڭ سىزباسىن ىزدەۋگە كىرىستى.جالعىز ادامنىڭ ءىزى سالعان جولمەن بويلاپ ءجۇرىپ كەلەدى.ءبىر كەزدە سۋرەتتە سالىنعان كارتينكانى تاپقانداي بولدى.اينالاسىندا ءتىرى جان جوق.الدىندا ايدالادا جالعىز وسكەن تال.ارت جاعىندا ادامداردىڭ مولاسى.ءتۇن قارايعاندا مولانىڭ قاسىنا يتەرمەلەپ كەلگەن نەتكەن ماحاببات.ابزال كەشكى بەينە بىلاي تۇرسىن،كۇندەلىكتى زيرات اتاۋلىدان قورقاتىن.بۇل كەزەڭ ابزالعا ەكى ەسە قورقىنىش ۇيالاتتى.كوزى شاراناسىنان شىعىپ كەتەردەي الايىپ كەتكەن،تەك ءبىر كەلەڭسىز داۋىس ەستىلسە،الدە كورىنسە جۇرەگى شىنىمەن قورقىنىشتان توقتاپ قالاتىنداي كۇي كەشۋدە.بىرەۋ ارتتان قاراپ تۇرعانداي.ءبىراق ارتقا قاراۋعا باتىلى بارمايدى.بار يمانىن ءۇيىرىپ ارت جاعىنا قارايلاپ ەدى،ەشكىم جوق.تەك جەردە بىردەڭە جاتقانداي بولدى.قولىنداعى ۇيالى تەلەفونىنىڭ جارىعىن ءتۇسىرىپ جاقىنداتىپ ەدى،جۇرەگى زىرك ەتە قالدى.بۇل گۇل.ابزالدىڭ گ ۇلى.كەزىندە ءدامحانادا داياشى قىزعا ۇسىنعان گ ۇلى.بۇل قالاي بۇل جەرگە كەلۋى مۇمكىن.بۇل سايكەستىك تە شىعار.ابزالدا رەڭ جوق،تەك قانا تەرەڭ تىنىستاپ گۇلگە قاراي جاقىنداپ كەلەدى.قورشالعان قورعاننان اتتاپ ءوتىپ،گۇلگە ەڭكەيىپ قاراعان ەدى شىنىمەن ءوزى جاساعان گۇل.ءبىر ۇيىلگەن توپىراقتىڭ ۇستىندە جالعىز جاتقان،قاعازدان جاسالعان گۇل.قاسىنداعى مارقۇمنىڭ ەسىمى جازىلعان تاسقا قاراي جاقىندادى.قادام باسقان سايىن اياعى جانسىزدانىپ،باسى تىپتەن ءبىر دۇنيە ويلايتىنداي كۇيدە ەمەس.بەلگى تاستاعى جازۋ ازداپ وشكەن سياقتى.جەڭىمەن سۇرتە باستادى.قولىنداعى تەلەفون جارىعىن تاسقا بەتتەپ وقۋعا ىتالاندى.قورلان ءابىش قىزى 1992-2015 جىل.رۋى(قانجىعالى)

ءدال وسى جازۋدى كورگەندە كوزى قاراۋىتىپ،باسىنان بىرەۋ تەپكىگە سالعانداي،قولى اياعى جانسىزدانىپ،تۇرۋعا مۇمكىندىگى جوق،ارتقا قاراي قۇلاپ ءتۇستى.....باسىن ۇستاعان كۇيى جەردە ءبۇرىسىپ جاتىر.قالاي بىلاي بولۋى مۇمكىن.مەنىڭ ماحابباتىم.نەگە مەنن...سول كۇن ابزالدى قارعىس اتقان كۇن بولدى.سان ساققا جۇگىرگەن ويلار ساناسىن ورتەپ بارادى.تىزەسىن قۇشاقتاعان كۇيى مولانىڭ جانىندا جاتىر.تۇرايىن دەسە كۇش قالماعان.اياعى،تىپتەن دەنەسى وزىنىكى ەمەس سياقتى.ال جان دۇنيەسى باسقا ءبىر الەمدە.تاڭعا دەيىن سول زيراتتىڭ ىشىندە تۇنەپ شىقتى.تاڭعى نامازدان كەيىن ابزالدى مولا كۇزەتشىسى تاۋىپ الىپ اۋرۋحاناعا جەتكىزگەن بولاتىن.دەنەسىندە جان جوق،ءتۇرى دە بوزارىپ كەتكەن.ءتىرى ولىككە اينالعان.

-نەگە سونشا جاس جىگىتتىڭ تاعدىر جولى اۋىر بولدى ەكەن.جانى باسقا الەمدە،دەنەسى وسىندا-دەگەن دارىگەردىڭ سوزدەرى بارعان سايىن اتا-اناسىنىڭ جۇرەگىن سىزداتىپ بارادى.

ابزال اقىرىن دەم الىپ جاتىر،جىميىپ تا قويادى.

تازالىقپەن وتكەن تەمىردەي جىگىتتىڭ بۇل فانيدەگى ومىرىنە نۇكتە قويىلدى.تەك ابزال اناۋ دۇنيەدە قورلانمەن قوسىلدى.باقىتتى.جىگىتتىڭ وزىندىك ءبىر ارمانى ورىندالدى،تەك اتا-اناسىنا كەلىندەرىن كورسەتە المايدى.وكىنىشتى،ءبىراق ءتۇبى ءبىر كورەتىنى انىق.

وقيعا شىنايى ومىردەن الىنعان.ابزال ءالى كۇنگە دەيىن باسقا الەمدە.ال دەرەكتەر بويىنشا مىنا ومىردە،قورلان ەكەۋى ءبىر ءبىرىن كورگەن.تەك تانىس بولماعان،ءبىر رەت ەمەس بىرنەشە رەت جولدارى تۇيىسكەن ەكەن.ءبىراق ءبىرىنشى قادام ەش جاقتان بولماعان،ءۇشىنشى كەزدەسوق كەزدەسۋدەن كەيىن قورلاندى جولدا كولىك قاعىپ مەرت قىلعان.اللا ەر مەن ايەل ادامدى بىر-بىرىنە تەڭ قىلدىرىپ،جانە ەكىنشى جارتىسىن مىندەتتى تۇردە جاراتادى ەكەن،تەك كەلگەن مۇمكىندىكتى جىبەرمەۋى كەرەك.ابزال بولسا ءۇش بىردەي مۇمكىندىكتى جىبەرگەن،سودان جالعىزدىقپەن سول جارتىسىن اڭساعان،جان تانىمەن تىلەگەن.اللا سول تىلەگىن قابىل ەتتى،ال ەكى عاشىقتىڭ بىر-بىرىنە دەگەن تارتىلىس كۇشى ءالى كۇنگە دەيىن زەرتتەلمەگەن عىلىمي قۇپيا.

اۆتورى:ۋاتحان قابىلتاي ۇلى

جۇرەگىمنىڭ جارتىسى