قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىمەن بىرلەسە وتىرىپ، شىمكەنت قالاسىندا 2017 جىلعى 2 ماۋسىمدا «ونوماستيكا سالاسىنداعى جۇمىستاردى ۇيىمداستىرۋدىڭ وزەكتى ماسەلەلەرى» تاقىرىبىندا رەسپۋبليكالىق سەمينار وتكىزەدى.
ءىس-شارا بارىسىندا وڭىرلەردەگى ونوماستيكالىق احۋال، يدەولوگيالىق تۇرعىدان ەسكىرگەن اتاۋلاردى تاريحي جەر-سۋ جانە ۇلتتىق تانىمعا جاقىن ءداستۇرلى اتاۋلارمەن وزگەرتۋ ماسەلەلەرى قارالاتىن بولادى.
سەمينار جۇمىسىنا قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنىڭ مۇشەلەرى، ونوماست-عالىمدار، جەرگىلىكتى اتقارۋشى ورگاندارداعى وبلىستىق ءتىل باسقارمالارى مەن ونوماستيكا بولىمدەرىنىڭ باسشىلارى، سونداي-اق زيالى قاۋىم جانە ب ا ق وكىلدەرى قاتىسادى.
