زۇلىمدىعىمەن تانىلعان يراك ءامىرشىسى حاججاج يبن ءيۋسۋفتىڭ شولگە شىعۋعا كوڭىلى اۋىپ سارايىنان شىعىپ كەتەدى دەپ جازادى قامشى اقپاراتتىق اگەنتتىگى mazhab.kz-كە سىلتەمە جاساي وتىرىپ. نوكەرلەرى شاتىر تىگىپ، حاججاج تورگە جايعاسادى. الدىنا تۇسكى اسى كەلەدى. كەنەتتەن شاتىردىڭ تۇسىنان ءوتىپ بارا جاتقان باداۋيگە كوزى ءتۇسىپ:
«ۋا، ءباداۋي! كەل بەرى! دامنەن اۋىز تي!» دەپ ايقايلايدى.
ءباداۋي شاتىرعا كىرىپ:
«سەنەن قۇرمەتتى بىرەۋ شاقىرعان ەدى. سونىڭ شاقىرۋىن قابىل الدىم. اس ىشپەيمىن» دەيدى.
حاججاج تاڭدانىپ:
«ول كىم؟» دەپ سۇرايدى.
ءباداۋي:
«قۇدىرەتى كىشتى اللا تاعالا! ماعان بۇگىن ورازا ۇستا دەپ شاقىرتتى. مەن ونىڭ بۇيرىعىن بۇلجىتپاي بۇگىن ورازا ۇستادىم» دەپ جاۋاپ قاتادى.
ء-دال وسىنداي كۇيىپ تۇرعان ىستىقتا ما؟
-مەن، بۇل كۇننەن ىستىق بولاتىن كۇنگە دايىن بولۋى ءۇشىن ورازا ۇستادىم.
-ولاي بولسا، بۇگىن اۋزىڭدى اشىپ جىبەر! ءناپىل ورازا ەمەس پە؟! ەرتەڭ قازاسىن وتەي سالاسىڭ.
ء-امىرشى، ەرتەڭ ءومىر سۇرەتىندىگىمە كەپىلدىك بەرە مە ەكەن؟
-جوق. بەرە المايمىن.
-ولاي بولسا، ەرتەڭگىنىڭ ءىسىن بۇگىن بولسىن دەپ نەگە سۇرايسىڭ؟
ء-بىزدىڭ اسىمىز وتە ءدامدى. ءتىل ۇيىرەدى.
-ۋاللاھي! اسىڭدى ءدامدى ەتىپ وتىرعان ناۋبايشىڭ دا ەمەس، اسپازىڭ دا ەمەس. اسىڭدى ءدامدى ەتكەن دەنساۋلىعىڭ!
حاججاج: «ۋاللاھي! بۇگىنگىدەي كۇن باسىمنان وتكەن ەمەس. مىنانى شاتىردان الىپ كەتىڭدەر» دەپ نوكەرلەرىنە بۇيىرعان ەكەن.
دايىنداعان: اسەل وتەشوۆا
