1. مەملەكەتتىك باعدارلامانى ىسكە اسىرۋ ماقساتىندا ۇكىمەتتىڭ قاۋلىسىمەن ونى ىسكە اسىرۋ جونىندەگى ءىس-شارالار جوسپارى بەكىتىلدى، ول 134 ءىس-شارادان تۇرادى. 2017 جىلعى 1 ماۋسىمعا دەيىن 12 ءىس-شارا جوسپارلانعان بولاتىن، ونىڭ بارلىعى ورىندالدى دەپ جازادى قامشى اقپاراتتىق اگەنتتىگى.
2. ەگىستىك القاپتارىن پارمەندى ءارتاراپتاندىرۋ جۇرگىزىلۋدە. ول ءۇشىن مينيسترلىك پەن اكىمدىكتەردىڭ اراسىندا 2021 جىلعا دەيىنگى مەموراندۋمدارعا قول قويىلدى. ناتيجەسىندە، قاجەتتى داقىلداردىڭ كولەمى 932 مىڭ گا. كەڭەيتىلەدى.

1. بۇگىنگى كۇنى كوكتەمگى ەگىس جۇمىستارى 87%-عا اياقتالدى. اۋىل شارۋاشىلىعى وندىرۋشىلەرى ءۇشىن سوڭعى مولشەرلەمە العاش رەت جىلدىق 6%-دان اسپايدى، وتكەن جىلدارى سوڭعى مولشەرلەمە 9-10%-دى قۇراعان بولاتىن.  بۇدان باسقا، جالپى  نەسيە ونىمدەرى بويىنشا قاجەتتى قۇجاتتار پاكەتى 24%-عا قىسقارتىلدى.

1. وسى جىلدان باستاپ ەليتالى تۇقىمداردى سۋبسيديالاۋ جاڭارتىلدى جانە بىرەگەي جانە ەليتالىق تۇقىمداردى، سونداي-اق ەڭ تومەنگى نورمالاردى قولدانباي، ءبىرىنشى كوبەيتىلگەن جانە ءبىرىنشى ۇرپاق بۋداندارىنىڭ تۇقىمدارىن سۋبسيديالاۋ قالپىنا كەلتىرىلدى. وسى جىلى تۇقىم شارۋاشىلىعىنا بولىنگەن قاراجات بىلتىرعى جىلمەن سالىستىرعاندا 3،2 ەسەگە ارتىق. تۇقىم شارۋاشىلىعىن دامىتۋ ءۇشىن ينۆەستيسيالىق سۋبسيديالاۋ باعدارلاماسىنا تۇقىم شارۋاشىلىعى تەحنيكاسى ەنگىزىلدى.

1. تىڭايتقىشتاردى قولدانۋعا ىنتالاندىرۋ ماقساتىندا سۋبسيديالاۋ تاسىلدەرى وزگەرتىلدى، ولار تىڭايتقىشتار قولدانۋ كولەمدەرىن ۇلعايتۋعا مۇمكىندىك بەردى. سۋبسيديالاۋ نورماسى بۇرىن پايىزدىق مولشەرلەمەدە بولسا، اعىمداعى جىلدان باستاپ ناقتى سيفرلارمەن بەلگىلەنەتىن بولدى. بۇل شارۋالاراعا ساپاسى جاقسى تۇقىم الۋعا مۇمكىندىك بەرەدى.سۋبسيديالاناتىن تىڭايتقىشتار سانى 2016 جىلى 85 بولسا، 2017 جىلى 161-گە دەيىن ارتتى. بۇگىنگى تاڭدا 200 مىڭ توننا تىڭايتقىش الىندى.

1. مال شارۋاشىلىعى سالاسىندا سۋبسيديالاۋ مەحانيزمى وزگەرتىلدى، بۇل سۋبسيديا الۋشىلار سانىن ارتتىرۋعا مۇمكىندىك بەرەدى. شوشقا شارۋاشىلىعىن سۋبسيديالاۋ كريتەرييلەرى ازايتىلدى. ۇساق شارۋا قوجالىقتارى مەن جەكە قوسالقى شارۋاشىلىقتاردى كووپەراتيۆكە قاتىستىرۋ بويىنشا كەلەسى شارالار قابىلداندى:

• بارلىق 160 اۋىلدىق اۋداندا سەمينارلار وتكىزىلىپ، 2 248 اۋىلدىق وكرۋگ اكىمدەرى مەن اۋدان اكىمدەرىنىڭ ورىنباسارلارى وقىتىلدى؛
• كووپەراسيا تۋرالى سۇراقتارعا تولىق مالىمەت الۋ ماقساتىندا كولل-ورتالىق جانە پورتالى جۇمىس جاساۋدا.
• اۋىل شارۋاشىلىعى كووپەراتيۆتەرى ءۇشىن ءمودۋلدى ءسۇت قابىلداۋ جانە مال سويۋ پۋنكتتەرىن كەپىلسىز جانە العاشقى جارناسىز ساتىپ الۋ سحەماسى ەنگىزىلدى، سونداي-اق كووپەراتيۆ مۇشەلەرى ءۇشىن نەسيەلەردى كەپىلدەندىرۋ تەتىگى كوزدەلدى.

اعىمداعى جىلى اۋىل شارۋاشىلىعى كووپەراتيۆتەرىن قولداۋ ماقساتىندا 52 ملرد. تەڭگە ءبولىندى، ونىڭ ىشىندە اۋىل شارۋاشىلىعىن قارجىلاي قولداۋ قورى ارقىلى – 25 ملرد. تەڭگە جانە ناتيجەلى جۇمىسپەن قامتۋ جانە كاسىپكەرلىكتى دامىتۋ باعدارلاماسى نەگىزىندە 27 ملرد. تەڭگە قاراستىرىلدى.

30 مامىرداعى جاعداي بويىنشا  286 بىرلىك تىركەلدى، سونىڭ ىشىندە ءسۇت دايىنداۋ بويىنشا 102، ەت ءوندىرۋ جانە دايىنداۋ بويىنشا 181. 20 136 باس ءىرى قارا مال باسىنا ارنالعان وتباسىلىق بورداقىلاۋ الاڭى مەن 51 جىلىجاي قۇرىلدى. اۋىل شارۋاشىلىعى ءونىمىنىڭ تاۋارلى وندىرىسىنە 40 مىڭنان استام جەكە قوسالقى جانە ۇساق فەرمەرلىك شارۋاشىلىقتار قاتىستىرىلدى (2017 جىلعا جوسپار – 135 مىڭ جقش).

جالپى كووپەراتيۆتەردى قۇرۋ بويىنشا جاقسى ديناميكا بايقالۋدا. سونىمەن قاتار، تىركەلگەن كووپەراتيۆتەردىڭ كەيبىرى ۇسىنىلاتىن تالاپتارعا سايكەس كەلمەيدى، ال جەكە وڭىرلەر بويىنشا جالپى جۇمىستى كۇشەيتۋ قاجەت. وسىنداي كووپەراتيۆتەردى  تالاپتارعا سايكەس كەلتىرۋ بويىنشا شارالار اكىمدىكتەرگە جەتكىزىلدى جانە ولار بويىنشا ناقتى جوسپار قۇراستىرىلدى.

1. سۋبسيديالاۋ ولشەمشارتتارى تومەندەتىلدى، ەگەر بۇرىن بورداقىلاۋشىلار 400 جانە ودان جوعارى باسقا سۋبسيديا السا، ءقازىر 100 باستان باستاپ الا الادى. وسىلايشا سۋبسيديا الۋشىلار سانى 3 ەسەگە ءوستى (1475-تەن 522 شارۋاشىلىققا دەيىن)، تيىسىنشە سيىر ەتىنىڭ ءوندىرىسى دە  40%-عا ارتاتىن بولادى  ( 31،5 مىڭ توننادان 43،8 مىڭ تونناعا دەيىن)؛

سونداي-اق ءسۇتتى سۋبسيديالاۋ بويىنشا دا ولشەمشارتتار تومەندەتىلدى، ماسەلەن قازىرگى تاڭدا ءسۇت-تاۋارلى فەرمالار 50 باسقا (ودان بۇرىن – 240 باستاپ) سۋبسيديا الا الادى، سونىمەن قاتار تاپسىرىلعان ءسۇتتى وڭدەۋگە اۋىل شارۋاشىلىعى كووپەراتيۆتەرىنە ليترىنە 10 تەڭگە سوماسىندا سۋبسيديالاۋ كوزدەلگەن.  ءسۇت ءوندىرىسىن سۋبسيديالاۋمەن قامتۋ 1،5 ەسەگە 272-دەن 422-گە دەيىن نەمەسە الۋشىلار سانى 2 ەسەگە ( 269-دان 532-گە دەيىن) ۇلعايادى.

اسىل تۇقىمدى قوي شارۋاشىلىعىنداعى سۋبسيديالاۋ ءنورماتيۆى ءبىر باسقا 2500 تەڭگەگە دەيىن (بۇرىن – 1500 تەڭگە) ۇلعايتىلدى جانە كەمىندە 300 باس ۇستايتىن شارۋاشىلىقتارعا عانا سۋبسيديا الۋعا مۇمكىندىك بەرەتىن جوعارى ولشەمشارتتار الىپ تاستالدى. وسىنىڭ ارقاسىندا سۋبسيديالاۋمەن قامتىلعاندار 1،3 ەسەگە نەمەسە 2300 شارۋاشىلىققا دەيىن ۇلعايادى.

سونداي-اق قوي سۋبسيدياسى اسا تالاپ ەتىلەتىن قوزىعا اۋىستىرىلدى.

سونىمەن قاتار ءجۇندى وڭدەۋ بويىنشا قولدانىستاعى كاسىپورىنداردىڭ تولىقتاي جۇكتەلمەۋىنە بايلانىستى بيازى عانا ەمەس جارتىلاي بيازى ءجۇندى سۋبسيديالاۋ كوزدەلگەن.

بۇنىڭ ءبارى بولىنگەن قاراجات شەڭبەرىندە الۋشىلار سانىن جانە سۋبسيديالاناتىن مال شارۋاشىلىعى ءونىمىن قامتۋعا مۇمكىندىك بەرەدى.

1. ۆەتەريناريا سالاسىندا 25 مامىردا قازاقستان قالعان 5 وبلىس (شقو، وقو، الماتى، جامبىل، قىزىلوردا وبلىستارى) ءۇشىن اۋسىلدان تازا ايماق مارتەبەسىن الدى. بۇل شەشىم ءۇشىن حالىقارالىق ەپيزووتيالىق بيۋروعا مۇشە 180 ەلدەن دەلەگاتتار داۋىس بەردى. بۇل جانۋارلار مەن وسىمدىكتەردەن الىناتىن ونىمدەر ەكسپورتىن ۇلعايتۋعا جاقسى مۇمكىندىك بەرەدى.

1. جۇڭگو نارىعى قازاقستاندىق بالىق پەن بالىق ونىمدەرى، جىلقى تۇقىمداس اسىل تۇقىمدى جانۋارلار، سونداي-اق بال جانە بال ارا شارۋاشىلىعى ءونىمى ءۇشىن اشىق. ماۋسىم ايىندا مۇزداتىلعان قوي ەتى بويىنشا حاتتاماعا قول قويۋ جوسپارلانۋدا، اتالعان ەلگە تاۋارلى جىلقىلاردى دا اكەلۋ شارتتارى كەلىسىلۋدە. يرانعا توڭازىتىلعان قوي ەتى مەن ءتىرى قويلاردى اكەلۋگە ۆەتەريناريالىق سەرتيفيكاتتاردىڭ جوبالارى كەلىسىلدى، جانە مۇزداتىلعان قوي ەتى بويىنشا جۇمىس جۇرگىزىلۋدە. بىرىككەن اراب امىرلىكتەرىنە ءىرى جانە ۇساق قارا مالدى، تاۋىق جۇمىرتقاسىن اكەلۋگە ۆەتەريناريالىق سەرتيفيكاتتارعا قول قويىلدى.   بۇدان باسقا، يزرايل جانە ساۋد ارابياسىنىڭ ۆەتەريناريالىق قىزمەتتەرىمەن جانۋارلاردان الىناتىن قازاقستاندىق ءونىمنىڭ ەكسپورتىن اشۋ بويىنشا جۇمىس جۇرگىزىلۋدە.

1. فيتوسانيتاريا سالاسىندا اعىمداعى جىلى اسا ءقاۋىپتى زياندى ورگانيزمدەر بويىنشا وڭدەۋلەردىڭ بولجامدى كولەمدەرى 4،8 ملن. گەكتاردى، ونىڭ ىشىندە ءۇيىرلى شەگىرتكە بويىنشا 1،6 ملن. گەكتاردى قۇرايدى.  بۇگىنگى كۇنى وڭتۇستىك قازاقستان جانە جامبىل وبلىستارىندا ماروككالىق شەگىرتكەگە قارسى 500 مىڭ گا وڭدەلدى، بۇل اعىمدىق جوسپاردان 180 مىڭ گەكتارعا نەمەسە 55 %-عا ارتىق. وسىعان قاراماستان، جەر-جەرلەردە قاجەتتى پرەپاراتتار مەن تەحنيكالار سانى بار. 
2.             سۋارمالى جەرلەردى قالپىنا كەلتىرۋ ءۇشىن يسلام دامۋ بانكى مەن ەۋروپا قايتا قۇرۋ جانە دامۋ بانكىمەن 205 مىڭ گا جەردى قالپىنا كەلتىرۋ جانە اينالىمعا تارتۋ ءۇشىن سوماسى 103،4 ملرد. تەڭگەگە كەلىسىمدەرگە قول قويىلدى.

ۇلتتىق ەكونوميكا مينيسترلىگىنىڭ قاراۋىنا سەگىز وبلىستا (اقتوبە، قىزىلوردا، ماڭعىستاۋ جانە وڭتۇستىك قازاقستان) 22 جاڭا سۋ قويمالارىن سالۋ بويىنشا مەملەكەتتىك ينۆەستيسيالىق جوبالار ەنگىزىلدى جانە ەرىگەن قار سۋى مەن تاسقىن سۋلاردى جيناۋ بويىنشا ۇسىنىستار دايارلانۋدا.

12.       اوك دامىتۋدىڭ مەملەكەتتىك باعدارلاماسىنىڭ جاڭا مىندەتىنىڭ ءبىرى اۋىل شارۋاشىلىعى تاۋارلارىن وندىرۋشىلەرىن زاماناۋي تەحنيكامەن جانە قۇرال-جابدىقتارمەن قامتاماسىز ەتۋدى ارتتىرۋ، سونداي-اق رەسپۋبليكامىزداعى اۋىلشارۋاشىلىعى تەحنيكاسىن دامىتۋ.