رەسەي پرەزيدەنتى ۆلاديمير پۋتين فرانسيا پرەزيدەنتى ماكرونمەن كەزدەسۋى بارىسىندا كنياز ياروسلاۆتىڭ قىزى اننانى «ورىس» دەپ اتاعان.

رەسەي مەن فرانسيانىڭ اراسىنداعى بايلانىستى ايتا كەلە، تاريحقا كوز جۇگىرتە وتىرىپ بىلاي دەدى: «ءبارى ورىس كنيازى ياروسلاۆ مۋدرىيدىڭ كەنجە قىزى اننانىڭ گەنريح بىرىنشىمەن تۇرمىس قۇرۋىنان باستالدى. ول كەم دەگەندە ەكى كورولدىك ديناستيا قۇرعان، ديناستيانىڭ ءبىرى يسپانيادا بۇگىنگى تاڭعا دەيىن باسقارىپ كەلەدى».

شەتەلدىك باق-تىڭ حابارلاۋىنشا، ءپۋتيننىڭ بۇل ايتقانى حالىق اراسىندا سىن تۋدىردى. جوعارعى رادانىڭ ءبىرىنشى ۆيسە-سپيكەرى يرينا گەراششەنكونىڭ ايتۋىنشا، رەسەيلىكتەر ءۇشىن رۋس – رەسەيدىڭ ءسينونيمى، ءتىپتى ولاردىڭ كوبى ياروسلاۆ مۋدرىيدىڭ كييەۆ كنيازى ەكەنىن بىلمەيدى دە، ال اننا ياروسلاۆ قىزى فرانسۋز كورولى گەنريح I ايەلى جانە فرانسيا پاتشايىمى – ونىڭ قىزى. ونىڭ ماسكەۋگە ەش قاتىسى جوق.

سونداي-اق، گەراششەنكو رەسەي باسشىسىنىڭ مۇنداي «شيزوفرەنياسىنىڭ» استارىندا ءبىر عانا ماقسات بارىن ايتتى. «پۋتين ءوز حالىقىنىڭ الدىندا اگرەسسيا مەن ۋكراين جەرىن جاۋلاپ الۋدى اقتاپ الماق».

شولۋشى: گۇلىم جاقان