«قازاق ءتىلى عىلىم مەن ءبىلىمنىڭ، ينتەرنەتتىڭ تىلىنە اينالدى. ەشكىم وزگەرتە المايتىن ءبىر اقيقات بار. ول قازاق ءتىلى ماڭگىلىك ەلدىڭ - ماڭگىلىك تىلىنە اينالدى. ءتىل ماسەلەسىن ءبىز داۋدىڭ ەمەس، ۇلتتىڭ ۇيىتقىسى ءۇشىن پايدالانۋىمىز كەرەك»

ن. ءا. نازاربايەۆ

قاشاندا ەكونوميكا كىمنىڭ قولىندا بولسا بيلىك تە، مانساپ تا، ءسوز دە سونىڭ قولىندا. قازاقستانداعى بانكتەردىڭ اقپاراتتىق مەنەدجمەنتىن قاراپ وتىرىپ جاعامدى ۇستادىم. 4 كۇن بۇرىن تۇرعىن ءۇي قۇرىلىس جيناق بانكىنە بايلانىستى ماقالا جازدىم. ماقالامدى qamshy.kz-تە كوتەرىلگەن ماسەلەنىڭ وڭ شەشىمىن تاباتىنى تۋرالى جاقسى جاڭالىقپەن باستايىن.

«Qamshy.kz» اقپارات اگەنتتىگىندە 26 مامىر كۇنى «قازاقستاننىڭ تۇرعىن ءۇي قۇرىلىس جيناق بانكى تەك ورىستارعا ارنالعان با؟» اتتى ماقالا جارىق كورگەن بولاتىن. اتالعان ماقالا تۇرعىن ءۇي قۇرىلىس جيناق بانكىنىڭ مەملەكەتتىك تىلگە نەمقۇرايلى قاراپ وتىرعانىن، بانك تۇتىنۋشىلارىنىڭ ينتەرنەت بەتىندەگى «جەكە كابينەت» ءبولىمى تەك ورىس تىلىندە قىزمەت ەتەتىنىن ماسەلە ەتىپ كوتەرگەن ەدى.

بۇگىن «Qamshy.kz» رەداكسياسىنا حابارلاسقان بانكتىڭ باسپا ءسوز حاتشىسى ايبار ولجاي رەسمي تۇسىنىكتەمە بەردى. ول ءوز سوزىندە «سايت كوتەرگەن ماسەلەنى بانك باسشىلىعى جاقسى سىن رەتىندە قابىلداعانىن، وسىعان وراي ناقتى ءىس-شارا قابىلدانعانىن، 10 ماۋسىمعا دەيىن «قازاقستاننىڭ تۇرعىن ءۇي قۇرىلىس جيناق بانكى» اق سايتىندا بارلىق فۋنكسيالارعا قازاق ءتىلى بەتى قوسىلاتىنىن» جەتكىزدى.  

ەلباسى نازاربايەۆ 20 ساۋىردە زيالىلارمەن كەزدەسۋىندە قازاقستان حالقىنىڭ 70 پايىزى قازاقتار ەكەنىن ايتقان بولاتىن. ستاتيستيكا كوميتەتى بەرگەن مالىمەت تە بۇنى قۋاتتايدى. ەندەشە تۇتىنۋشىلارىنىڭ باسىم بولىگى مەملەكەتتىك تىلدە سويلەيتىن بانكتەردىڭ باسقا ءتىلدىڭ مارتەبەسىن ۇستەم ەتىپ قويۋى دا ەشبىر زاڭعا سيمايدى. بانك قىزمەتىنە جۇگىنبەيتىن بىردە ءبىر ادام جوق. دەمەك قوعامنىڭ سويلەۋ تىلىنە دە بارلىق بانك ىقپال ەتەدى.

بانكتەر ىشىندە باس بەتى قازاقشا اشىلاتىندار ۇشەۋ عانا:

http://qazaqbanki.kz/

http://nurbank.kz/

https://halykbank.kz/

وسى ورايدا باسقا بانكتەردى دە مەملەكەتتىك ءتىلدى قۇرمەتتەۋگە شاقىرامىز. اتاپ ايتقاندا تومەندەگى بانكتەردىڭ ءبارىنىڭ باس بەتى ورىس تىلىندە اشىلادى:

http://www.kaspibank.kz/

http://qazkom.kz/

https://www.bankrbk.kz

https://www.eubank.kz/

https://forte.bank/

http://www.altynbank.kz/

http://www.sberbank.kz/ru/individuals

https://homecredit.kz/

http://www.kzibank.kz/

https://www.tsb.kz/

https://www.bcc.kz/

http://www.vtb-bank.kz/

https://www.bankastana.kz/

https://www.atfbank.kz/

https://tengribank.kz/

http://www.deltabank.kz/

http://www.asiacreditbank.kz/

https://www.hcsbk.kz/

Call Center-لەرىنە قوڭىراۋ شالساڭ مىندەتتى تۇردە ورىسشا جاۋاپ بەرەتىنى تاعى بار... ەڭ سوراقىسى وسى بانكتەرگە يە بولىپ وتىرعانداردىڭ ءبارىنىڭ بيلىك يەرارحياسىنىڭ ەڭ جوعارى ساتىسىنداعى ادامدار ەكەندىگى...

اقان بەكتاس