وسكەمەن قالاسىنىڭ اكىمى بولىپ، شقو اكىمى دانيال احمەتوۆتىڭ ەكس-ورىنباسارى قۋات تۇمابايەۆ تاعايىندالدى، دەپ جازادى قامشى اقپاراتتىق اگەنتتىگى. بۇل تۋرالى بۇگىنگى وتكەن قالا اكتيۆىنىڭ وتىرىسىندا ايتىلدى.

قۋات تۇمابايەۆ 1980 جىلى 30 قازاندا سەمەي قالاسىندا دۇنيەگە كەلدى. 2001 جىلى شاكارىم اتىنداعى سەمەي مەملەكەتتىك ۋنيۆەرسيتەتىن «حالىقارالىق ەكونوميكالىق قاتىناستار» ماماندىعى بويىنشا اياقتادى.

2003 جىلى قازاق گۋمانيتارلىق زاڭ ۋنيۆەرسيتەتىن «قۇقىقتانۋ» ماماندىعى بويىنشا اياقتادى. ەڭبەك جولىن 2001 جىلى «اليانس بانك» اق (الماتى ق.) نەسيە ءبولىمىنىڭ مامانى بولىپ باستادى.

2002 – 2003 جىلدار ارالىعىندا «كازپوليگراف» اق (سەمەي ق.) قارجى-ەكونوميكالىق تالداۋ ءبولىمىنىڭ مامانى بولىپ جۇمىس اتقاردى.

2003 جىلدان باستاپ قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسرلىگىنىڭ مەملەكەتتىك قارىز بەرۋ جانە نەسيەلەندىرۋ دەپارتامەنتىندە ۇكىمەتتىك قارىز بەرۋ ساياساتى ءبولىمىنىڭ باس مامانى، 2005 جىلعى ساۋىردەن باستاپ باستىعى قىزمەتىن اتقاردى.

2005 جىلعى قىركۇيەكتەن باستاپ قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىنىڭ ينۆەستيسيالىق ساياسات جانە جوسپارلاۋ دەپارتامەنتىندە بيۋدجەتتىك ينۆەستيسيالاردى جوسپارلاۋ باسقارماسى باستىعىنىڭ ورىنباسارى، 2006 جىلعى قىركۇيەكتەن باستاپ باستىعى قىزمەتىن اتقاردى.

2008 جىلدان باستاپ قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىنىڭ ينۆەستيسيالىق ساياسات دەپارتامەنتى ديرەكتورىنىڭ ورىنباسارى لاۋازىمىنا اۋىستىرىلدى.

2011 جىلدان باستاپ قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنىڭ وڭىرلىك دامۋ كوميتەتى ءتوراعاسىنىڭ ورىنباسارى لاۋازىمىنا تاعايىندالدى.

2012 جىلدان باستاپ قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنىڭ ينۆەستيسيالىق ساياسات دەپارتامەنتى ديرەكتورى قىزمەتىن اتقاردى.

2014 جىلعى ساۋىردەن باستاپ ۇلتتىق كاسىپكەرلەر پالاتاسى باسقارماسى ءتوراعاسىنىڭ كەڭەسشىسى قىزمەتىن اتقاردى.

2015 جىلعى ناۋرىزدان - ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى.

2016 جىلدىڭ 15 قاڭتارىندا شىعىس قازاقستان وبلىسى اكىمىنىڭ ورىنباسارى بولىپ تاعايىندالدى.

جاپونيادا ونەركاسىپتىك دامۋدى جوسپارلاۋ (2007 ج.) جانە ينفراقۇرىلىمدى دامىتۋداعى مەملەكەتتىك-جەكە ارىپتەستىك (2014 ج.) بويىنشا بىلىكتىلىكتى ارتتىرۋ كۋرستارىنان ءوتتى.

قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىندا «مەملەكەتتىك باسقارۋ» تاقىرىبىندا باعدارلاما بويىنشا كۋرستان ءوتتى.

قازاق، ورىس جانە اعىلشىن تىلدەرىن مەڭگەرگەن.