ميچيگان سوتى 1992 جىلى كىسى ولتىرگەنى ءۇشىن سوتتالعان دەسموند ريكسانى بوستاندىققا شىعاردى دەپ حابارلايدى شەتەلدىك ب ا ق. بەلگىلى بولعانداي، ادامدى اتىپ ولتىرگەندەگى وق پەن تاپانشا جانە ايىپتاۋشىلار تاراپىنان بەرىلگەن وق پەن تاپانشا ەكى ءتۇرلى بولىپ شىققان. ول دجەرري بەننەتتىڭ ولىمىنە ەشقانداي قاتىسى بولماي شىقتى.
دەسموند ريكس 25 جىل بويى ءوزىنىڭ كىناسىز ەكەنىن دالەلدەۋگە تىرىسقان. 2015 جىلى زاڭگەرلەر ولتىرىلگەن ادامنىڭ دەنەسىنەن الىنعان وقتىڭ فوتوسىن العان. ول 1992 جىلى كورسەتىلگەن وق ەمەس بولىپ شىقتى.
دەسموند ريكسانىڭ ادۆوكاتتارى ءىستى قايتا قاراۋدى تالاپ ەتتى. 51 جاستاعى دەسموند بوستاندىققا شىقتى. الايدا ناقتى شەشىم 1 شىلدەدە قابىلدانادى.
«مەن قايعىرمايمىن. اشۋلانبايمىن. كەرىسىنشە قۋانىشتىمىن. مەن جۇمىسقا ورنالاسقىم كەلەدى. مەملەكەتكە سالىق تولەۋدى قالايمىن» دەيدى دەسموند ريكسا.
شولۋشى: اسەم المۇحانبەت
