بۇگىن كابۋل ورتالىعىندا بولعان جويقىن جارىلىستان قازاقستاننىڭ 2 ازاماتى جارالاندى دەپ حابارلايدى قامشى اقپاراتتىق اگەنتتىگى 24.kz-كە  سىلتەمە جاساي وتىرىپ. ولار جارىلىس ورنىنان 500 مەتر قاشىقتىقتاعى قوناقۇيدە بولعان. جارالانعان وتانداسىمىزدىڭ ءبىرى باسىنان، ال ەكىنشىسى اياعىنان جارالانعان. ولار - 1982، 1991 جىلى تۋعان ازاماتتار.

ءقازىر ولارعا العاشقى مەديسينالىق جاردەم كورسەتىلدى. قازاقستاندىق ديپلوماتتار وتانداستارىمىزبەن تىعىز بايلانىس ورناتىپ، قاجەتتى كومەك بەرۋدە. سونىمەن قاتار جارىلىس ورتالىعىنان 2 شاقىرىم جەردە ورنالاسقان كابۋلداعى قازاقستان ەلشىلىگىنىڭ عيماراتىنا دا زاقىم كەلگەن.

«قازىرگى كەزدە ديپلوماتتار جاپا شەككەندەردىڭ اراسىندا باسقا قازاقستاندىقتاردىڭ بار-جوعىن انىقتاۋعا كىرىسكەن. قالا وقشاۋلاندى. اۋعانستان استاناسىنداعى بارلىق وتانداستارىمىزدى اباي بولۋعا، تۋعاندارى مەن جاقىندارىنا جاعدايى تۋرالى حابارلاپ وتىرۋعا شاقىرامىز. قاجەت بولعان جاعدايدا اۋعانستانداعى قازاقستان ەلشىلىگىمەن بايلانىسقا شىعۋلارىن سۇرايمىز»، - دەيدى ق ر ءسىم باسپا ءسوز قىزمەتىنىڭ باسشىسى ءانۋار جايناقوۆ حابارلايدى.

شولۋشى: اسەل وتەشوۆا