كارديفف قالاسىنداعى ءبىر وتباسىنىڭ باسىنان وتكەن وقيعانى قامشى اقپاراتتىق اگەنتتىگى وقىرمان قاۋىمعا ۇسىنادى.
كيەۆين ەسىمدى ءسابي 23 اپتالىق بولىپ دۇنيەگە كەلگەن. دۇنيەگە كەلگەن ساتتە ونىڭ سالماعى نەبارى 400 گرامم بولعان. كىشكەنتاي شاقالاقتىڭ سۇيەكتەرىن ەڭ ۇقىپتى دەگەن دارىگەرلەر دە سىندىرىپ الادى. اياقتارىمەن قوسا قابىرعاسى دا سىنعان نارەستە ومىرگە دەگەن قۇشتارلىعىن جارىق دۇنيە ەسىگىن اشا سالىسىمەن كورسەتەدى.
ءوزىنىڭ مەزگىلىنەن بۇرىن دۇنيەگە كەلۋىمەن قاتار اسقازانىنان ينفەكسيالىق اۋرۋدىڭ بار ەكەنى انىقتالادى. شاقالاق بىرنەشە وپەراسيانى باسىنان وتكەرەدى. سابيگە ونداعان قان قۇيۋ جۇمىستارى جۇرگىزىلەدى. ناتيجەسىندە ءسابيدىڭ جاعدايى ءبىر قالىپقا تۇسەدى.
ال بۇگىندە ءسابي 1-گە تولىپ، سالماعى 7 كەلىنى قۇراپ وتىر.
اكەسى مەن اناسى ءسابيدىڭ ومىرگە دەگەن قۇشتارلىعىن ماقتان تۇتسا، دارىگەرلەر بالانىڭ دەنى ساۋ بولىپ وسەتىنىنە سەنىمدى.
دايىنداعان: ايگەرىم تاۋباي
