شەرري دجونسوننىڭ جوعارعى ءبىلىمى جوق. بۇگىندە ول توعىز بالانى تاربيەلەۋدە. كۇيەۋى ەكەۋىنىڭ اراسى ۇنەمى داۋ دامايعا تولىپ جۇرەدى.

شەرري دجونسون 11 جاستا بولعان كەزدە ول ءوزىن زورلاعان ەر ادامعا تۇرمىسقا شىققان. ونى زورلاعان ادام  20 جاساتاعى شىركەۋگە كەلۋشىلەردىڭ ءبىرى بولعان. قىز جۇكتى بولىپ قالعان سوڭ قامقورلىق ورگاندارى قىلمىستىق ءىستى جابۋدىڭ ەڭ وڭتايلى جولى شەرريدى سول ەر ادامعا تۇرمىسقا بەرۋ دەپ شەشكەن. ال شەرريدىڭ باسقا امالى بولماعان.

"انام مەنەن بۇل نەكەنى قالايسىڭ با دەپ سۇرادى. ال مەن بولسام نەكە دەگەن نە دەپ سۇرادىم، ايەل بولۋ دەگەن قالاي دەدىم. ول مەنىڭ بۇل بىلمەستىكتەن تۋىنداعان سۇراقتارىمدى مەنىڭ كەلىسىمىم دەپ شەشكەن".

شەرري فلوريدا شتاتىندا تۇرادى. بۇل شتاتتا نەكەگە تۇرۋدىڭ مينيمالدى جاسى بەكىتىلمەگەن. ونىڭ ايتۋىنشا ودان بولەك باسقا دا جاس قىزدار وزەرىنەن ۇلكەن ەر ادامدارعا تۇرمىسقا شىعىپ جاتتى. بۇل شىركەۋدىڭ ءوز قىلمىسىن جابۋ ءۇشىن جاسالاتىن قيتۇرقى ارەكەت دەيدى.

"بۇل ءومىر ءومىر ەمەس. مەن مەكتەپتى تاساۋعا ءماجبۇر بولدىم. ال ءقازىر مەنىڭ توعىز بالام بار"-دەيدى ايەل.

شەرري شىركەۋ قىزمەتشىسى مەن شىركەۋگە كەلۋشىلەردىڭ تاراپىنان زورلىققا تاپ بولىپ، 10 جاسىندا ءبىرىنشى بالاسىن بوسانادى. ءبىر جىلدان كەيىن ونى ءوزىن زورلاعان ادامعا تۇرمىسقا شىعارادى.

بۇگىندە شەرري قوعامداعى ورىن الىپ جاتقان وسىنداي ارەكەتتەرگە توقتاۋ قويۋ كەرەك ەكەنىن ايتىپ، ادىلدىككە شاقىرۋدا. 

شولۋشى: سابينا رامازان