EXPO-2017 حالىقارالىق كورمەسى قارساڭىندا قازاقستان استاناسىنان شىعاتىن حالىقارالىق رەيستەردى اشۋ جالعاسۋدا، دەپ حابارلايدى قامشى اقپاراتتىق اگەنتتىگى ق ر يدم باسپا ءسوز قىزمەتىنە سىلتەمە جاساپ.
بۇگىن قىتايدىڭ Air China اۋە كومپانياسى استانا-بەيجىڭ (جۇڭگو) حالىقارالىق جاڭا اۋە رەيسى بويىنشا ۇشۋدى باستادى. اۋە رەيستەر ەيرباس-320 تيپىندەگى اۋە كەمەسىمەن اپتاسىنا 3 رەت، سەيسەنبى، بەيسەنبى جانە جەكسەنبى كۇندەرى ورىندالادى.
اتالمىش رەيستى اشۋدا ق ر يدم ازاماتتىق اۆياسيا كوميتەتى مەن جۇڭگو حالىق رەسپۋبليكاسىنىڭ اۆياسيا بيلىگى بىرلەسكەن جۇمىستار اتقاردى.
ەسكە سالا كەتەيىك، وسى اپتادا استانا اۋەجايى ۆارشاۆامەن (پولشا)، ەريەۆانمەن (ارمەنيا) جانە كييەۆپەن (ۋكراينا) تىكەلەي اۋە قاتىناسىن ورناتقان بولاتىن.
شولۋشى: گۇلىم جاقان
