سەمەي ساياباعىنداعى «سايتان» دوڭعالاعى اياق استى اسا جىلدامدىقپەن اينالا باستاعان. اتتراكسيوندا ادامدار بولعان، دەپ جازادى قامشى اقپاراتتىق اگەنتتىگى.
«اۆتواۋەسقوي وتباسىلارىنىڭ بىرلەستىگى» ۇيىمىنىڭ وكىلدەرى وقيعانىڭ ءدال بالالاردى قورعاۋ كۇنىندە ورىن العانىن ايتادى.
ساياباق قىزمەتكەرلەرى اتتاركسيوندى بىردەن توقتاتقان. وقيعا كۋاگەرلەرى بولعان جاعدايدى ۆيدەوعا ءتۇسىرىپ العان. ۆيدەودان بايقاعانىمىزداي، اتتاركسيون توقتاعان سوڭ جوعارىدا قالىپ قويعان ادامداردى تومەنگە ءتۇسىرۋ ءۇشىن ەر ادامدار ونى قولدارىمەن اينالدىرعان.
«مۇنداي جاعداي ءبىرىنشى رەت بولىپ تۇرعان جوق. ەكى جىل بۇرىن وسى اتتراكسيون مەن وتىرعان ساتتە دە توقتاپ قالعان. ءبىز جوعارعى بولىگىندە قالىپ قالعان ەدىك»، - دەيدى «اۆتواۋەسقوي وتباسىلار بىرلەستىگىنىڭ» وكىلى.
ايتا كەتەرلىگى، سەمەيدەگى بۇل «سايتان» دوڭعالاعى ەسكىرگەن اتتراكسيوندار قاتارىنا جاتادى. جوندەۋ جۇمىستارى جۇرگىزىلە مە، جوق پا – ول جاعى بەلگىسىز. الايدا ساياباققا كەلگەن بالا بۇل اتتراكسيونعا وتىرماي كەتپەسى انىق.
شولۋشى: گۇلىم جاقان
