ەلباسى تۇرىك رەسپۋبليكاسى پرەمەر-مينيسترىنىڭ ورىنباسارى تۇعرۇل تۇركەشپەن كەزدەستى، دەپ حابارلايدى قامشى اقپاراتتىق اگەنتتىگى اقورداعا سىلتەمە جاساپ.
كەزدەسۋدە قازاقستان پرەزيدەنتى تۇركيانىڭ بىزگە جاقىن ءارى اعايىن ەلدەردىڭ ءبىرى ەكەنىن اتاپ ءوتتى.
– قازاقستان تاۋەلسىزدىك العاننان بەرگى 25 جىل ىشىندە ءبىزدىڭ ءوزارا قارىم-قاتىناسىمىز بارلىق باعىت بويىنشا ىلگەرىلەپ، دامىپ كەلەدى، – دەدى مەملەكەت باسشىسى.
ت.تۇركەش ءوزىن قابىلداعانى ءۇشىن نۇرسۇلتان نازاربايەۆقا العىس ايتىپ، تۇرىك رەسپۋبليكاسىنىڭ پرەزيدەنتى رەجەپ تاييپ ەردوعاننىڭ سالەمىن جەتكىزدى.
– تۇرىك رەسپۋبليكاسى مەن قازاقستان اراسىنداعى قاتىناستاردىڭ تامىرى تەرەڭدە. قازاقستاننىڭ حالىقارالىق ۇيىمدار قىزمەتىنە، اسىرەسە، بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە بەلسەنە قاتىسۋى تۇركيا ءۇشىن ماڭىزدى، – دەدى تۇركيا پرەمەر-مينيسترىنىڭ ورىنباسارى.
