ەگەر ءسىزدىڭ لەنتاڭىزدا جاقىندا اتا-انالى بولعان ادامدار نەمەسە بالالى جاقىندارىڭىز بولسا وندا ءسىز بالالاردىڭ سۋرەتتەرىن كورۋ  كەرەمەت اسەر قالدىراتىنىن، ءبىراق سونىمەن بىرگە ءقاۋىپتى ەكەنىن تۇسىنەتىن بولارسىز. عالامتورعا ءوزىڭىزدىڭ ءسابيىڭىزدىڭ، بالاڭىزدىڭ سۋرەتىن سالماس بۇرىن تومەندەگى جايتتاردى ەسكەرگەن،بىلگەن ءجون.

كەز-كەلگەن ادام عالامتوردىڭ ءقاۋىپتى مەكەن ەكەنىن بىلەدى. كوپشىلىك اتا-انالار بالالارىنىڭ قانداي سايتتاردا وتىراتىنىن، الەۋمەتتىك جەلىلەرىن قاراپ تەكسەرىپ وتىرادى. مۇنداي قاداعالۋدىڭ ءجونى بار.

الەۋمەتتىك جەلى قولدانۋشىلارىنىڭ كوپشىلىگى بالالارىنىڭ سۋرەتىن جەلىگە جۇكتەپ حەشتەگگە ونىڭ ەسىمىن، فوتوعا تۇسكەن جەردى، مەكتەپتى، بالاباقشانى بەلگىلەپ قويىپ جاتادى.

2016 جىلى اۆتراليادا ەكى جەتكىنشەكتىڭ اتا-اناسىمەن تۇسىرىلگەن سۋرەتتەرى قارا بازارعا كەتىپ قالىپ، پەدوفيلدەرگە اقشاعا ساتىلعان جاڭداي ورىن العان. وسى ورايدا ءسىز دە، بالاڭىزدا ونىڭ ءومىرىن قاداعالاپ، باقىلاپ جۇرگەن ادامداردىڭ بار بولۋىن بىلمەۋى مۇمكىن.

سوندىقتان بالانىڭ سۋرەتتەرىن الەۋمەتتىك جەلىلەرگە جۇكتەمەگەن ابزال. ءبىر قاراعاندا ءقاۋىپتى ەشنارسە جوق سەكىلدى. بالاڭىزدىڭ سۋدا وتىرعانىن سۋرەتى سۇيكىمدى كورىنەتىن سياقتى.

وسىعان بايلانىتى عالامتورعا بالانىڭ سۋرەتىن جۇكتەۋ كەزىندە:

جالاڭاش نەمەسە جارتىلاي جالاڭاشتانعان بالاڭىزدىڭ سۋرەتىن سالماۋ كەرەك؛

فوتوشوپ جاسالۋعا قولايسىز بولۋ كەرەك؛

الەۋمەتتىك جەلىڭىزدىڭ قاۋىپسىزدىگىنە نازار اۋدارۋ كەرەك، سۋرەتتى تەك دوستارىڭىز كورە الاتىنداي ەتۋ؛

ارينە، بۇنىڭ ءبارى بوس ساندىراق بولىپ كورىنۋى مۇمكىن. الايدا ءبىز اقىل ەستەرى تۇراقسىز ءتۇرلى اۋرۋ ادامدار بار بۇزىلعان قوعامدا ءومىر سۇرەمىز. ەشكىمگە سەنۋگە بولمايتىن زامان دا تەك ساقتانۋ كەرەك، سەبەبى شىن مانىندە، ساقتانساڭ ساقتايدى.