جاپونيادا يمپەراتور اكيحيتونىڭ تاقتان باس تارتۋى تۋرالى ارنايى زاڭ قابىلداندى. قۇجاتقا سايكەس، تاق ونىڭ ۇلكەن ۇلى، مۇراگەر حانزادا نارۋحيتوعا بەرىلەدى، دەپ جازادى kazinform.kz. زاڭ جوباسىن ەل پارلامەنتىنىڭ تومەنگى پالاتاسى ماقۇلدادى. ليبەرال-دەموكراتيالىق پارتيانىڭ كوپشىلىك دەپۋتاتتارى قۇجاتتى قولداپ داۋىس بەرسە، ءبىرقاتار وپپوزيسيانىڭ، سونىڭ ىشىندە دەموكراتيالىق پارتيانىڭ وكىلدەرى قولدامايتىندىعىن ءبىلدىردى. ەندى بۇل زاڭ جوباسى پارلامەنتتىڭ جوعارى پالاتاسىنا قارالۋعا جىبەرىلەدى.

ول ماۋسىم ايىنىڭ ورتاسىنا دەيىن جالعاساتىن اعىمداعى سەسسيا بارىسىندا قابىلدانادى دەپ كۇتىلۋدە. تاقتان باس تارتۋ زاڭ قابىلدانعاننان كەيىن ءۇش جىل ىشىندە ءوتۋى ءتيىس. جاپون ءباسپاسوزىنىڭ دەرەگى بويىنشا، ول 2018 جىلدىڭ جەلتوقسان ايىندا بولۋى مۇمكىن. باق-تىڭ دەرەگىنە سۇيەنسەك، اكيحيتو تاقتان باس تارتقاننان كەيىن «ۇلى مارتەبەلى» تيتۋلىن، مەملەكەتتىك قامسىزداندىرۋ مەن باسقا دا جەڭىلدىكتەردى ساقتاپ قالادى. اكيحيتو 1933 جىلدىڭ 23 جەلتوقسان كۇنى دۇنيەگە كەلگەن. ول الەمدەگى ەڭ ەجەلگى مونارح اۋلەتىنىڭ وكىلى بولىپ سانالادى.