فوتونى دوسىنا كورسەتتى. ەشتەڭەدەن حابارى جوق دوسى «فوتوعا ادەمى ءتۇسىپسىڭ» دەدى وعان. كەيىنىرەك وزىنە قاتتى ۇقسايتىن ەر ادامنىڭ Facebook-تاعى پاراقشاسىن تاۋىپ الادى.

ونىڭ ەسىمى ۋيليام ەكەن. الەۋمەتتىك جەلىدەن ۋيليامنىڭ جانىنداعى ەر ادامنىڭ اعاسى كارلوسقا قاتتى ۇقسايتىنىن كورىپ تاڭقالادى.

حورحە ۇيگە كەلىپ سۋرەتتى اعاسىنا كورسەتەدى. ەكەۋى تۋىلعان ساتتە شاتاستىرىپ العان شىعار دەپ بولجايدى. ءمان-جايدى انىقتاۋ ءۇشىن اناسى بوسانعان پەرينيتالدى ورتالىققا كەلەدى. وندا ولاردىڭ ءبىر كۇندە، ءبىر ورتالىقتا دۇنيەگە كەلگەنى بەلگىلى بولادى.

قانعا ساراپتامالىق تالداۋ جاساعاننان كەيىن، حورحەنى وسىرگەن اتا-انا ونىڭ بيولوگيالىق اكە-شەشەسى بولىپ شىقتى. ول بۇعان كۇماندانبادى. سەبەبى حورحە اناسى مەن اپكەسىنە قاتتى ۇقسايدى. ال كارلوس وتباسى مۇشەلەرىنەن وزگەشەلەنىپ تۇراتىن.

جىگىتتەر «اعايىندى» ۋيليام مەن ۋيلبەرمەن كەزدەسىپ، بىر-بىرىنە كوز الا المايدى. اۋرۋحانادا اۋىسىپ كەتكەن اعايىندىلار بىر-بىرىنەن اۋمايدى.

وسى كەزدەسۋدەن كەيىن ولار بىر-بىرىمەن جاقىنىراق تانىسىپ، ءجيى كەزدەسەتىن بولدى. ءقازىر ولار بىرگە ۇلكەن پاتەر جالداپ تۇرادى.