دۋباي كوشەلەرىن ەندى روبوت ساقشىلار كۇزەتەدى، دەپ حابارلايدى قامشى اقپارات اگەنتتىگى 24.kz-كە سىلتەمە جاساپ. 

ولار قالانىڭ كىسى قاراسى قالىڭ اۋداندارى مەن ساۋدا ورتالىقتارىندا كەزەكشىلىك ەتەدى. ەگەر كيبەر-پوليسەيلەرلەرگە جۇرگىزىلگەن سىناق ءساتتى وتسە، 2030 جىلعا قاراي دۋباي قۇقىق قورعاۋشىلارىنىڭ 25 پايىزى روبوتتان جاساقتالادى.

 دوڭگەلەكتى جاڭا قۇرىلعىنىڭ بيىكتىگى ادام بويىمەن بىردەي. وعان ءتۇرلى بەلگى بەرەتىن قۇرىلعىلار مەن بەينەباقىلاۋ ورناتىلعان. كەز كەلگەن ادام اقىلدى قۇلتەمىردى كومەككە شاقىرىپ، سەنسورلى ەكرانى ارقىلى قاجەتتى اقپاراتپەن تانىسا الادى. ال وعان تۇسكەن اقپارات بىردەن قۇقىق قورعاۋ ورگاندارىنا جىبەرىلەدى.

حاليد ناسسەر، پوليسيا قىزمەتكەرى: -بۇل روبوتتار دەمالۋ دەگەندى بىلمەيدى. تاۋلىك بويى ۇزدىكسىز جۇمىس ىستەي بەرەدى. وعان ىزدەۋدەگى ادامدى تانيتىن جاساندى جادى ورناتىلعان. سوندىقتان ول بارلىق سۇراققا جاۋاپ بەرىپ، كەز كەلگەن تاپسىرمانى اراب جانە اعىلشىن تىلىندە ورىنداي الادى.

شولۋشى:ايگەرىم تاۋباي