الماتى وبلىسىنداعى «قورعاس» اۋماعىندا ەكى ەر ادامنىڭ اراسىندا جانجال بولدى دەپ حابارلايدى قامشى اقپاراتتىق اگەنتتىگى zakon.kz-كە سىلتەمە جاساپ. ونىڭ ءبىرى ەكىنشىسىنە پىشاق سۇعىپ العان. جارالانعان ەر ادام اۋرۋحاناعا بارا جاتقان جولدا كوز جۇمدى. ءىىد وقيعانىڭ ءمان-جايىن ايتىپ بەردى.

«4 ماۋسىمدا ساعات 15:40-تا «قورعاستاعى» ءوتۋ پۋنكتىندە، كەدەندىك باقىلاۋدان وتەتىن ايماقتا جانجال بولدى. وندا سۋىق قارۋ قولدانىلدى. جانجال قازاقستان ازاماتتارى: كوكتال اۋىلىنىڭ 1995 جىلعى تۇرعىنى كارىبجانوۆ دياس ەرنار ۇلى مەن اۋليەاعاش اۋىلىنىڭ 1992 جىلعى تۇرعىنى تولەگەنوۆ قۋانىش بەرىك ۇلىنىڭ اراسىندا بولدى» دەدى ءىىد وكىلى.

قۇقىققورعاۋ ورگاندارىنىڭ مالىمەتىنشە، توبەلەستى باستاعان تولەگەنوۆ پىشاقپەن جارالانعاننان كەيىن اۋداندىق اۋرۋحاناعا تاكسيمەن بارا جاتقان جولدا كوز جۇمدى. «ادام ءولتىرۋ» بويىنشا سوتقا دەيىنگى تەكسەرۋ جۇمىستارى باستالدى.

كۇدىكتى ۋاقىتشا ۇستاۋ يزولياتورىندا.

شولۋشى: اسەم المۇحانبەت