باتىس قازاقستاندا ەر ادام ءوز تۋىسى بولىپ كەلەتىن ايەلدى ەكى بالاسىنىڭ كوزىنشە زورلاعان، - دەپ حابارلايدى قامشى اقپاراتتىق اگەنتتىگى kaz.tengrinews.kz-كە سىلتەمە جاساي وتىرىپ.

وقيعا 31 مامىرعا قاراعان ءتۇنى بولعان، الايدا بۇل تۋرالى ەندى عانا انىقتالىپ وتىر ەكەن.  قاراسۋ اۋىلىنىڭ تۇرعىنى ساعات كەشكى 23.00-دە تۋىسىنىڭ ۇيىنە قوناققا كەلگەن. وسى كەزدە ۇيدە 1995 جىلعى قىز ەكى بالاسىمەن بولعان. قىزدىڭ كۇيەۋى، ياعني وزىنە جاقىن تۋىسى ۇيدە بولماعانىن بىلگەن ول ەكى كىشكەنتاي بالانىڭ كوزىنشە كەلىنشەككە قاتىستى سەكسۋالدىق سيپاتتاعى زورلىق ارەكەتتەرىن جاساعان. بۇل ۋاقىتتا زورلانعان كەلىنشەكتىڭ كۇيەۋى ورالدا جۇرگەن.   قازىرگى ۋاقىتتا ەر ادام ۇستالىپ، ەندىگى قىلمىسىن مويىنداپ قويىپتى.

وسى دەرەك بويىنشا، ق ر قىلمىستىق كودەكسىنىڭ 120-بابىنىڭ 1-بولىگى بويىنشا قىلمىستىق ءىس قوزعالدى. بۇل باپ بويىنشا كىناسى دالەلدەنسە، ول ءۇش جىلدان بەس جىلعا دەيىنگى مەرزىمگە باس بوستاندىعىنان ايىرىلۋى مۇمكىن.  تەرگەۋ ءجۇرىپ جاتىر.

شولۋشى: اسەل وتەشوۆا