ستار حاگەن-ەسكەررا 15 جاسىندا ءوزىنىڭ جاقىندارى مەن دوستارىنا ەشقانداي جىنىسقا جاتپايتىندىعىن مالىمدەگەن. ول ءوزىنىڭ ەشقانداي جىنىسقا جاتپايتىندىعىن ايتىپ گەندەرلىك ءبولىنىستى مويىندامايتىندىعىن جەتكىزگەن. سوندىقتان سول ۋاقىتتان بەرى ول باسقالاردان وزىنە كوپشە تۇردە سويلەۋىن سۇراعان. ارادا ەكى جىل ءوتىپ، ەندى ستار ءوزىنىڭ «كوپشە» تۇردەگى جىنىسىن قۇجات نەگىزىندە بەكىتىلۋىن قالايدى.
كاليفورنيا وكرۋگىندە ستار سارا كەللي كينەن ەسىمدى ايەلمەن تانىسادى. ول دا ءوز كەزەگىندە ءوزىنىڭ جىنىسىن «ارالاس» دەپ بەلگىلەگەن. 55 جاستاعى سارا ءۇشىنشى جىنىستىڭ زاڭداستىرىلۋى ءۇشىن كۇرەسىپ جۇرگەن ادام. ول ستارعا وسى ماسەلەگە بايلانىستى كومەكتەسۋگە بەل بۋادى. ناتيجەسىندە 17 جاستاعى ستار ءوزىنىڭ قالاۋىنداعى ماقساتىنا جەتىپ رەسمي تۇردە «جىنىسسىز» دەگەن ستاتۋس الادى.
نەگىزىنەن اقش-تىڭ ەشقانداي شتاتى ەر نەمەس ايەل دەگەننەن وزگە جىنىستاردى قابىلدامايدى. الايدا كاليفورنيادا قازىرگى تاڭدا «ءۇشىنشى» جىنىس زاڭداستىرىلىپ جاتىر.
55 جاستاعى سارا كەللي اقش تاريحىنداعى ءۇشىنشى جىنىس ءۇشىن كۇرەسكەن ادامداردىڭ ءۇشىنشىسى. ول تۋىلعان كەزدە ونىڭ جىنىسى «ەر» دەپ بەكىتىلسە، بالاباقشادا قايتا «ايەلگە» وزگەرگەن. ول بويجەتە باستاعان ۋاقىتتا اعزاسىندا پروبلەمالار ورىن العان. سول كەزدە دارىگەرلەر ونىڭ بويىنان ەر ادامنىڭ دا، ايەل ادامنىڭ دا گەنىن تاپقان.
Intersex- ءبىر ادامنىڭ بويىندا ەركەكتىڭ دە ايەلدىڭ دە گەندىك دامۋى كورىنىس تاباتىن قالىپ.
